(ФОТО) Многумина пробаа, но една го освои: Сите девојки на Џастин Бибер
Џастин Бибер (24) се сврши со моделот Хејли Болдвин. Според тврдењата на сајтот ТМЗ, пејачот го поставил прашањето во ресторан на Бахамите.
Парот по пауза од две години повторно ја обнови врската откако Џастин раскина со Селена Гомез. Инаку. Хејли е ќерка на познатиот актер Стивен Болдвин и внука на Алек Болдвин.
Сепак иако ова е тажна вест за големиот број обожавателки на пејачот, ние направивме листа на девојки кои успејаа барем за краток период да бидат дел од неговиот живот.
Селена Гомез беше во врска со Џастин од 2010 до 2013 година. Годинава повторно беа заедно пред тој да ја обнови врската со Хејли.
Пејачот на 17 години беше во врска со ќерката на Лајонел Ричи, Софија, а откако почна да добива голем број закани на социјалните мрежи, реши да ја исклучи опцијата за коментари.
Иако медиумите шпекулираа, сепак Џастин и Кендал Џенер никогаш официјално не потврдија дали биле заедно или не. Тие беа забележани во заедничко друштво на повеќе настани, а гласините започнаа откако беа видени на познатиот фестивал Коачела.
Блискоста на Аријана Гранде со Бибер беше причина таа да има голем број проблеми со Биг Шон, кој неколку пати ја прекинуваше врската со неа. Тие исто така никогаш не потврдија дека биле повеќе од само добри пријатели и колеги.
Пејачот одреден период постојано објавуваше фотографии од Јована Вентура и потоа одеднаш прекина. Иако тој не ја криеше врската, сепак јавноста никогаш не дозна повеќе детали, ниту пак зошто прекинаа да се гледаат.
По разводот со Орландо Блум, поранешниот ангел на Викторија Сикрет, Миранда Кер наводно имала кратка авантура со Бибер. Тие се зближија на модно шоу на познатиот бренд за долна облека, а пејачот имаше и објавено фотографија со неа, која кратко потоа ја избриша.
Барбара Палвин е уште еден модел од Викторија Сикрет која имаше кратка романса со него. Парот беа видено заедно на неколку настани, но и си разменуваат Твитер објави, кои исто така докажуваа дека се заедно.
И за крај, најшокантните гласини беа дека Џастин и Мајли Сајрус биле заедно и не само тоа, туку и дека пејачката била бремена од него. Сајрус ги демантираше овие тврдења, но остана нејасно дали тие имале некоја кратка авантура.
