Изгледаат како шефици на мафијата: Сестрите Кардашијан-Џенер во ексцентрични изданија за свадбата на Кортни и Тревис
Ексцентрични, готски фустани - сестрите Кардашијан-Џенер фрлија сенка врз невестата со модните изданија.
Модната куќа Долче и Габана ја спонзорираше венчавката на Кортни Кардашијан и Тревис Баркер, а жените од најпознатото семејство во светот го искористија тоа на неочекуван начин.
Ријалити ѕвездата Кортни Кардашијан и тапанарот Тревис Баркер по трет пат го кажаа судбоносното „ДА“!
По интимните венчавки, прво во Лас Вегас, а потоа и на интимна тајна церемонија, парот решил да организира и трета, традиционална венчавка и да ги собере своите семејства во Италија, Портофино.
Меѓутоа, кога една од сестрите Кардашијан прави свадба, тоа е сè само не типична свадба, па официјален спонзор на оваа венчавка беше италијанската модна куќа Долче и Габана, а Кортни носеше прекрасен бел превез со мотиви на Богородица (како што е истетовирано на главата на нејзиниот младоженец) и бел мини фустан.
Сепак, не останаа незабележани ниту нејзините сестри, па нивните фотографии ги преплавија социјалните мрежи.
Најозборувана е Ким Кардашијан која неодамна стана платинеста русокоса и која се појави во долг тесен црн фустан од тантела, украсен со впечатлив крст и масивен чокер со зелени камења.Тука е и нејзината ќерка Норт која носеше долга црна наметка, украсена со тантела.
Во долг црн фустан се појави и Клои, со додаток за глава инспириран од сонцето, а таа, како и Ким и Норт, имаше готички елементи во нејзината облека.
Кендал и Кајли Џенер, пак, решија да се појават во посветли бои, па Кендал избра комплет составен од здолниште и јакна во беж нијанса со бакарен вез, додека Кајли во фустан во иста нијанса и со големи црвени цветови.
Иако совршено дотерани, Кајли и Кендал останаа во сенка на своите полусестри во црно, па повеќето коментари се за Ким и Клои.
„Тие личат како шефици на сицилијанската мафија“, „Личи на нив да облечат нешто толку ексцентрично за да го одвлечат вниманието од невестата“ ... се некои од коментарите.
Можеби ќе ве интересира
