Која е ќерката на Џил и Џо Бајден: Трагично го изгуби својот брат, а нејзиното минато крие мрачна тајна

Првата ќерка на САД, Иванка Трамп ќе биде заменета со Ешли Бајден, единственото дете на Џил и Џо Бајден. Јавноста во Америка, но и ширум светот ја запозна додека нејзиниот татко беше вршител на должноста потпретседател на САД, во администрацијата на Барак Обама.

Новоизбраниот претседател на САД Џо Бајден ќе положи заклетва за функцијата на 20 ноември, а во тој момент ќе биде придружуван од сопругата Џил Бајден и нивната ќерка Ешли, како и неговиот син Хантер од првиот брак.
 Ешли Бајден ќе стане новата американска „прва ќерка“, која на тој начин ќе ја наследи Иванка Трамп. 

Ешли пораснала опкружена со политика и под будното око на браќата Хантер и Бо, кои починаа од рак во 2015 година. Хантер и Бо се синовите на Бајден што ги имаше со Нил, кој почина во сообраќајна несреќа во 1972 година заедно со нивната ќерка Наоми.
Американските медиуми претпоставуваат дека Џил, која е почитувана професорка, не планира да се откаже од својата успешна кариера и дека 39-годишната Ешли ќе го заземе своето место на светската сцена по инаугурацијата.
“Ешли досега не беше во центарот на вниманието затоа што не беше подготвена за тоа и не покажа никаква волја. Кога Џо беше потпретседател за време на мандатот на Барак Обама, таа имаше некои проблеми и не се истакнуваше. Но, сега ќе биде присутна како прва ќерка. Иванка имаше своја канцеларија, го обиколи светот во друштво на нејзиниот татко, имаше големо влијание врз него и успеа да склучи неколку важни зделки. како десна рака. Тоа може да го очекувате и од Ешли “, изјави извор од Вашингтон за медиумите.

Кога ги изгубил сопругата и синот во трагична несреќа, а потоа се оженил со Џил, во 1981 година се роди нивната ќерка Ешли, која ја одгледаа далеку од очите на јавноста.
Она што е познато е дека таа се бори за зачувување на животната средина. Како дете го открила постоењето на козметичкиот бренд Bonne Bell, кој ги тестирал своите производи на животни, па татко и ја охрабрил да напише писмо во кое ќе ги замоли да ја променат својата деловна политика, предизвикувајќи го нејзиниот интерес за околината, особено за заштитата на делфинот.
Таа е дипломиран социјален работник и таа титула ја заработи на Универзитетот во Пенсилванија.
Стана директор на Делавер центарот за правда, каде работеше на реформата на криминалниот систем и каде започна програми за образование, помош на жртви на насилство.
Покрај тоа, пред три години, таа лансираше линија дуксери, инспирирана од нејзиниот брат Бум, и приходите од нивната продажба ги донираше на локалните хуманитарни организации во Делавер. Маиците имаат лого на LH со стрела, како почит кон починатиот брат.

Но, нејзиното минато крие и некои мрачни страни.
„Ешли имала проблеми со зависноста од дрога“, откри извор близок до семејството.
Проблемите започнаа откако наводно беше уапсена во 1999 година за поседување марихуана, но пресудата не била заведена никаде. Потоа беше повторно уапсена во 2002 година за наводно попречување на полицаец во извршувањето на неговите должности. Седум години подоцна, додека нејзиниот татко беше потпретседател на Америка, протече видео во кое наводно Ешли пуши кокаин, а го објавија сите американски таблоиди.
Њујорк пост тогаш напиша дека сопственикот на снимката барал дури два милиони долари за истата, па тие не ја објавиле поради високата цена.

2010 година беше клучна за нејзиното закрепнување. Потоа се запознала со  пластичен хирург Хауард Керин, со кого денес е во среќен брак.
Во изминатите 15 години, таа работеше како социјален работник за деца, млади и нивните семејства во Делавер и беше вклучена во нивно згрижување и грижа за ментално здравје. Таа не крие дека смртта на нејзиниот починат брат ја скршила и дека минувала низ тежок период од животот.
 "Тој беше мојата сила. Неговиот рак ме фрли на колена. Немав друг избор освен да одам напред, да продолжам со своите соништа", рече таа во една прилика. Таа исто така откри дека нема да има ништо против, да работи јавна работа:
 "Татко ми работеше во јавниот сервис цел живот, мајка ми е наставничка во јавно училиште. Тоа е запишано во мојата ДНК".
 Поминаа уште три години од тој момент пред Ешли да стапне на политичката сцена, во име на нејзиниот татко. Имено, таа на почетокот на оваа година одржа говор на Демократската национална конвенција.

"Тој ќе биде стабилен, ќе се однесува со сите со почит без разлика кој си. Тој ќе те сака со целото свое срце. Тој е добар човек", рече гордо таа во тоа време.
Џо сега се подготвува да ја преземе улогата претседател, а неговата ќерка да заземе важно место во јавниот живот.
"Оваа прва ќерка ќе биде изненадување за целиот свет. Таа знае која е и што е и што сака да постигне. Таа е силна. Се чувствуваше ранливо долго време и немаше сила да зачекори во центарот на настаните, но ова е нејзино време и ќе има многу да каже. Таа помина низ многу работи во својот живот и тоа и дава доза на емпатија кон другите. Од неа може да го очекувате само најдоброто “, изјавил информиран извор од Вашингтон.

(ФОТО) Првото вдомено куче што влегува во Белата куќа: Бајден и нивните миленици со специфични имиња