Љубовната приказна на Бекамови: Ги разделуваа многупати, а слават 20 години брак
Дејвид и Викторија Бекам гo слават 20-годишниот брак со своето семејство на многу симпатичен начин. Нивната годишнина се совпаѓа со четврти јули, а по тој повод Дејвид објави многу емотивна порака на својот профил на Инстаграм посветена на својата најголема љубов.
- Вау, 20 години, гледај што имаме направено. Те сакам многу- напиша поранешниот фудбалер за својата понежна половина.
Викторија пак му возврати на пораката со видео на својот профил на Инстаграм, под кое напиша: „20 години денеска, те сакам толку многу!“
Круна на нивниот брак се четирите деца: Бруклин, Ромео, Круз и ќерката Харпер.
Многупати медиумите ги разведуваа, а моќната двојка секогаш ја докажуваше својата хармонија во бракот.
Викторија Бекам неодамна зборуваше отворено за тоа како таа го балансира својот личен и професионален живот.
„Се обидувам навистина, навистина тешко. Се обидувам најмногу да бидам најдобра мајка ", рече Викторија на „Самитот за жени на Форбс“ во Њујорк.
„Се обидувам да бидам најдобра сопруга и најдобар професионалец. Кога ќе се вратам дома, се обидувам да го спуштам телефонот и да трошам време со децата и да минувам време со Дејвид ", продолжи таа.
Таа, исто така, го пофали нејзиниот сопруг, велејќи: „Имам поддршка од еден неверојатен сопруг. Ние навистина сме рамноправни со сè што правиме со децата дома", рече Викторија. „Кога сум на пат, тој е оној што ги подготвува децата за училиште и готви".
Двојката се запознала на настан на Манчестер Јунајтед во 1997-ма година. Дејвид играл за тој фудбалски тим во тоа време, но сѐ уште не бил една од најпрепознатливите ѕвезди во овој спорт.
Имаа раскошна свадба само две години подоцна, во 1999-та година во ирски замок. Минатата година двојката ги обнови своите завети на релативно приватна церемонија.
Во интервју за „BBC Radio 4’s Desert Island Discs“, Дејвид се отвори за специјалниот ден, истовремено признавајќи дека „Бракот е тежок понекогаш", додека тој и неговата сопруга продолжуваат да работат напорно на нивната врска.
