Мирослав Илиќ: Околу 3.000 евра месечно се доволни за моите потреби

- Додека плаќате за ова, плаќате за тоа, го купувате ова, го купувате тоа, останува за пристоен живот - рече пејачот

Познатиот пејач Мирослав Илиќ, кој има богата музичка кариера и бројни хитови, откри колку пари му се потребни за еден месец за да живее пристоен живот.

- Не сакам да се фалам со тие работи. Отсекогаш сум презирал приказни за авиони, камиони, јахти и слично. Нормално е да имате ако го работите она што го сакате, и ако заработете пари. Мислам дека никој не смее да влегува во туѓа имотна состојба - рече Мирослав и продолжи:

- Сите овие години работев и заработував. Колку и да ни давате, ние секогаш имаме малку. За моите потреби, околу 3.000 евра месечно се доволни за да не размислувам за зимата. Додека плаќате за ова, плаќате за тоа, го купувате ова, го купувате тоа, останува за пристоен живот - изјави пејачот за „Нова.рс“.

Инаку, Мирослав неодамна го искажа своето мислење за колегите пејачи кои немаат работа поради вонредната состојба и постојано лелекаат и бараат помош.

Имајќи предвид дека има повеќе од 65 години, славејот од Мрчајевци во последните месеци постојано престојуваше во неговиот дом во Белград и ги почитува мерките наложени од Владата на Република Србија заради пандемијата на вирусот ковид-19.

- На некој начин ми се допадна овој принуден одмор. Дома, читав книги, гледав филмови кои не сум ги гледал долго време, серии ... Правам се што прават другите луѓе кои се во моја ситуација - изјави неодамна пејачот.

Некои од неговите колеги беа загрижени за нивното постоење и поради недостаток на работа и заработка, побараа помош од државата, а Мирослав имаше порака за нив.

- Што би ме направило поразлично од другите? Пропорционално ќе страдаме сите. А вие, кои најмногу се жалите на оваа состојба, би сакал да ги видам вашите даночни пријави - истакна тогаш Мирослав.

Пејачот не сакаше да ги издвојува своите колеги, па не именуваше на кога точно мислел.

Фото: Printscreen/Youtube

Можеби ќе ве интересира: