Откриeно како 10 годишното девојче починало поради предизвик на ТикТок: „Мала“ игра зацрни семејство!

Доколку ТикТок не може со сигурност да ја потврди возраста на својот корисник, мора да ја блокира најдоцна до 15 февруари 2021 година - ова е најновата одлука на Канцеларијата за заштита на податоците во Рим, Италија.

ТикТок пропишува минимална возраст од 13 години за своите корисници, но компанијата не спречи 10-годишно девојче да направи свој акаунт, потенцираат од Канцеларијата.

Смртта на десетгодишното девојче од Палермо на Сицилија, која учествуваше во предизвикот „Blackout Challenge“ на ТикТок, беше откриена само неколку часа пред оваа објава и одлука. Предизвикот бил: да се остане без воздух што е можно подолго.

Малата Антонела се заклучила во бањата во средата и се снимала на телефон додека го затегнувала ременот за бањарка околу вратот. Нејзината петгодишна сестра ја нашла во бесознание.

Десетгодишното момче веднаш било пренесено во детската болница „Ди Кристина“, но веќе било доцна. Лекарите се бореле за нејзиниот живот, но по некое време ја утврдиле нејзината смрт. Јавното обвинителство во Палермо започна истрага за поттикнување самоубиство.

Родителите на Антонела за „Ла Република“ изјавија дека не знаат за што станува збор и дека сестра ѝ им рекла дека Антонела играла „игра задушување“.

„Немавме идеја“, рече таткото.

Тој претпоставувал дека неговата ќерка гледа кореографии за танцување и други видеа на Тикток:

-Мојата ќерка, мојата мала Антонела, почина од опасна игра на Тикток: како да се справам со тоа?

Палермо во шок

Градоначалникот на Палермо, Леолука Орландо на Фејсбук напиша дека тој и веројатно целиот град се „во шок“.

- Сега е доцна да се дискутира за односот на децата и младите кон социјалните мрежи - „особено за време на пандемијата, што уште повеќе не туркаше во дигитална комуникација“ - рече тој.

Властите на оваа земја-членка на ЕУ, исто така, истакнаа дека на ТикТок „нема доволно внимание за заштита на малолетници“ и ја осудија леснотијата со која децата можат да аплицираат за апликацијата. „ТикТок“, кој има околу 100 милиони корисници во Европа, објави изјава за трагичниот инцидент.

-Безбедноста на заедницата Тикток е наш врвен приоритет. Подготвени сме во секој момент да соработуваме со властите во врска со истрагата за смртта на Антонела - уверува кинеската видео-платформа.

Платформата, која е многу популарна меѓу тинејџерите ширум светот, е во сопственост на кинеската компанија ByteDance.

Фото: Shutterstock