Последната кралица во Европа: Пуши по 60 цигари дневно, 52 години на тронот, а половина век мажена за најпргавиот принц на светот!
Таа ги илустрирала делата на Толкин и работи како костимограф
Витка, висока речиси 185 сантиметри, со склоност кон светли бои, страст за цигари и неверојатна уметничка дарба - данската кралица Маргрета, која ќе се повлече од тронот на 14-ти јануари, е една од најдолговечните, најпочитуваните и најинтересните европски монарси. Таа ја шокираше данската, но и светската јавност со одлуката да абдицира во корист на нејзиниот син - престолонаследникот Фредерик. За помалку од две недели, нејзиното 52-годишно владеење ќе заврши, а Маргрет ќе остане запаметена како монарх со најдолг стаж во 1.200-годишната историја на данската монархија.
„Не можам да замислам да абдицирам. Освен ако не се разболам безнадежно“, рече таа еднаш, во светло на што нејзиниот потег е уште поневообичаен. На почетокот на 2023-та година, таа привремено се повлече од своите кралски должности поради операција на грбот, а токму овој настан го окарактеризира како една од причините за нејзината абдикација.
Данската монархија е една од најстарите во светот, наследството на кралицата Маргрета датира повеќе од 1.000 години. Таа е 54-та личност на тронот на Данска, но само втора кралица!
Интересната 83-годишна жена ја нарекувале и „кралица на пепелниците“ поради љубовта кон силните, нефилтрирани, тенки цигари - наводно пушела по 60 цигари дневно!
За време на нејзините децении на тронот, кралицата Маргрет покажа неверојатна вештина - таа успеа да ја зачува традицијата, но во исто време да воспостави свој пат како модерен и решителен монарх.
„Секогаш сонувам во боја. Со полна сила“
Таа е родена во април 1940-та година како најстара ќерка на кралот Фредерик IX, но стана прва во редот за тронот во 1953-та година кога беше сменет данскиот устав и на жените им беше дозволено да ја преземат круната. Се школувала во Велика Британија, студирала археологија и економија. Течно зборува пет јазици, таа има и одлична дарба за илустрација и не се двоумела да го искористи својот талент. Таа го илустрираше данското издание на „Господарот на прстените“ во 1977-ма година, а интересно е што беше избрана неколку години порано кога анонимно ги испрати своите идеи до Толкин како обожавател.
Нејзините слики, претежно акварели и акрили, се изложени во музеи, а таа е и талентирана костимографка. Изработила костими за неколку балетски продукции, а најнов ангажман во оваа сфера е оној во данската драма „Ехренгард: Уметноста на заведувањето“ од 2023-та година.
Маргрет е исто така голем вљубеник во модата; „Вог“ ја опиша како „хероина со неопислив стил“, а позната е по тоа што обожава живи, впечатливи креации и светли бои. „Секогаш сонувам во боја. Целосна моќ. Техниколор. Секаде. Секоја нијанса“, му рекла таа на својот биограф во 1989-та година.
50 години брак со „најпргавиот принц на светот“
Таа стана кралица кога имала само 32 години, откако нејзиниот татко починал во 1972-ра година. Пет години пред тоа се омажила за францускиот дипломат Анри ди Лаборд ди Монписато. Анри го добил прекарот „најпргавиот принц на светот“, а забележано е дека во 2017-та година дури изјавил дека не сака да биде погребан покрај неговата сопруга бидејќи никогаш не ја добил титулата крал или кралски сопруг.
„Данска ми е поважна од било што друго. Мислам дека никогаш не сум помислила да го ставам бракот пред тронот“, рекла еднаш Маргрет.
Сепак, таа и Анри беа во брак повеќе од половина век, до неговата смрт во 2018-та година. Имаа две деца; Престолонаследникот Фредерик е роден во 1968-ма година, а една година подоцна и неговиот помлад брат принцот Јоаким.
Маргрет била блиска пријателка на покојната кралица Елизабета, а на нејзиниот погреб била фотографирана со солзи во очите. Се викаа со прекари - Дејзи и Лилибет, а сепак беа братучеди, и двете се правнуки на кралицата Викторија.
Извор: zena.blic.rs
