Саша Поповиќ поради нив беше на „столбот на срамот“: Многумина никогаш не му простија затоа што ги исмеваше со години (ВИДЕО)

Во текот на дваесетгодишното постоење на „Ѕвездите на Гранд“, ова натпреварување стана синоним за музички спектакл, како и незаборавните аудиции кои го одбележаа овој натпревар, креативниот директор Саша Поповиќ заедно со својот тим ги посетуваше градовите низ регионот во потрага по нови таленти.

Саша на аудициите  „Ѕвездите на Гранд“ откри многу талентирани пејачи кои денес се едни од најбараните на Балканот и пошироко.

Меѓу илјадниците пријавени кандидати имаше и такви чии аудиции предизвикаа смеа до солзи како за жирито така и за пошироката јавност, нарекувајки ги „Шампионите“ на Гранд.

Сепак, токму поради нив, Поповиќ често беше на „столбот на срамот“, бидејќи дел од јавноста го осудуваше дека се потсмева со овие луѓе.

Една од таквите аудиции е онаа на Јованка Реџеповиќ од Ниш, која со својот настап стана хит низ целиот регион. На прашањето на Саша Поповиќ каде била до сега, Јованка одговорила на свој карактеристичен начин предизвикувајќи смеа и сочувство кај присутните. Иако погрешно го сфатила текстот, нејзината необична изведба стана инспирација за многу имитатори.

- Еве ме, јас сум од Крушевац, но сега живеам во Ниш. Немам никаков сценски страв бидејќи пеам од 7 години. Немав услови да пеам, ниту да снимам касета. Сите ме обожаваат, дури и на 14 години ме избраа за убавица на селото – изјави тогаш Јованка.

Уште еден незаборавен момент на аудициите беше настапот на Радован Јованиќ Кенац, кој призна дека ги „лови“ Снежана Ѓуришиќ и Шабан Шаулиќ.

- Колешката Снежана Ѓуришиќ и Шабан ги вадам со чисто грло …, призна тогаш Радован.

Неговата искреност и духовит одговор наиде на воодушевување кај жирито и публиката, оставајќи неизбришлива трага во сеќавањето на сите што ја следеа „Ѕвездите на Гранд“.

Покрај овие забележителни аудиции, имаше уште неколку необични и урнебесни изведби кои го одбележаа ова музичко шоу. Низ годините „Ѕвездите на Гранд“ стана непресушен извор на хумор, но и незаборавни музички моменти, оставајќи длабока трага на музичката сцена.