Се заљубила во бездомник: Ги одбил нејзините пари - денес имаат деца

Јасмин Гроган се заљубила во бездомникот Меколи Марки кога го видела пред еден супермаркет. Таа решила да му понуди пари, но тој одбил. Наместо тоа, тој се понудил да ѝ помогне со торбата што ја носела, пишува „Дејли Стар“.

- Еден ден запознав бездомник пред еден супермаркет. Му понудив пари, но тој не сакаше да ги прифати. Влегов во супермаркетот да набавам намирници, но не можев да престанам да мислам на него. Излегов надвор и го прашав дали сè уште можам да му помогнам, тој рече не. Ме праша дали ми треба помош за да ја однесам мојата торба до таксито што ме чекаше, јас му реков да. Го прашав дали сака да му донесам нешто за јадење. Нему му беше непријатно, но рече да, па заедно излеговме на вечера - изјави Јасмин.

Тврди дека долго зборувале за неговиот живот. Јасмин решила да му купи мобилен телефон за да можат да останат во контакт.

@trevorcookie #stitch with @jasminegrogan1 #fyp #relationship #Totinos425 #onlyinmycalvins original sound - Trevor Cook

Благодарен што Јасмин му покажала таква великодушност, Меколи ѝ напишал порака: „Ми го разубавивте денот, многу ви благодарам за сè, неверојатна сте. Не можам да престанам да мислам на вас“.

Таа му одговорила: „Не мора да ми се заблагодаруваш, не можам ни јас да те извадам од глава“.

Тогаш Јасмин го прашала дали може да го однесе на ручек. По ручекот завршиле во нејзината куќа.

- Му донесов нова облека и му реков дека може да преноќи, но на крајот остана многу подолго од една ноќ. Веднаш се заљубивме. Знаев дека тој е вистинскиот човек за мене. Беше толку добар и фин - вели Јасмин.

Јасмин откри дека биле на неколку состаноци, а тој решил малку да поработи на својот изглед. Ја избричил брадата, добил нови заби и почнал да работи.

@jasminegrogannew #halloween #foryoupage #halloween #booktok original sound - rawan ⋆ ࣪

- Оттогаш не сме се разделиле – вели Јасмин. Тврдат дека се многу среќни, верени се и имаат две мали деца.

- Драго ми е што нашите патишта се вкрстија и веруваме дека сè се случува со причина. Тој ми го направи животот многу подобар и не можам да го замислам животот без него.