Добивај вести на Viber

Фитнес инструкторката, која стана веган откако гледаше документарен филм на Нетфликс за месната индустрија, била принудена да престане да јаде растителна храна откако се здебелила речиси 20 килограми и развила синдром на нервно црево.

Даниела Висинтин (31) од Кројдон, во јужен Лондон, природно била витка и тежела околу 50 килограми, додека филмот кој промовирал растителна исхрана не влијаел да ги одбие месото и млечните производи во јули 2017 година.

Откако се префрлила на веганска исхрана, Даниела за осум месеци развила синдром на нервно црево.

Таа се вратила на редовната исхрана на почетокот на 2018 година, но и било тешко да ги изгуби вишокот килограми. Таа сега има 63 килограми и затегната, мускулеста градба.

„Се чувствував засрамено. Станав веган откако го гледав документарецот и мислев дека го направив вистинскиот морален и етички избор бидејќи сум многу свесна за нашата околина. Но, тоа почна да ми влијае на моето здравје и се здебелив толку многу што не можев ни да дишам во омиленото здолниште. Едвај можев да го облечам“, изјави таа за Daily Mail.

Поради ограничената исхрана јадела премногу тестенини и пица – па за помалку од една година се здебелила речиси 20 килограми.

„Во тоа време бев една од оние луѓе кои можеа да јадат се и никогаш не се здебелив. Никогаш не очекував толку многу здравствени проблеми да произлезат од тоа да станам веган. „Тоа е нешто што го направив затоа што верував дека тоа е вистинската работа“, рече таа.

Така, на почетокот на 2018 година, таа ја напуштила веганската исхрана, но продолжила да се здебелува и покрај тоа што била личен тренер, јадејќи како порано и редовно вежбајќи.

Навидум фит и здрава, таа се движела по три часа дневно и вежбала три до четири дена во неделата, дури прибегнала и кон броење калории, но ништо немало ефект.

Во април 2021 година, таа слушала подкаст од американски лекар кој тврдел дека човечките суштества можат да живеат само од месо. Таа се фрлила на исхраната „месојади“ и за две недели и се подобрило здравјето, тврди самата.

Даниела верува дека била „опасно неухранета“ поради нејзината веганска исхрана бидејќи не апсорбирала доволно есенцијални хранливи материи, па затоа прибегнала кон јаглехидрати за да се бори против гладот.

„Со веганската исхрана има дефицити. Едно нешто што постојано го кажувам е дека консумирањето хранливи материи не значи и апсорпција на хранливи материи. И ние сме лоши во апсорпцијата на хранливите материи од растенијата. Протеинот е најзастапената супстанца во нашето тело, а недостатокот на протеини е вистински проблем. Сите овие работи се опасни на долг рок бидејќи ќе бидете неухранети и, во комбинација со ниско или висококалорична храна, или ќе бидете премногу слаби или со прекумерна тежина. Личниот тренинг не е само одење во теретана и вежбање. Образованието е многу важно. Мора да знаете зошто го правите тоа што го правите“, рече таа.

Веганка почнала да јаде месо, а после 3 недели на светот му ги покажала неверојатните промени на своето лице (ФОТО)