Томас Маркл тврди дека неговиот зет не е маж! Таткото на Меган Маркл јавно го критикуваше принцот Хари: Тој е идиот, ја следи жена му како дете

Во интервју со Ден Вутон на GB News пред извесно време, Томас Маркл го критикуваше принцот Хари и го спореди со дете кое ја придружува неговата ќерка..

"Мислам дека е смешен. Не ги разбирам работите што ги кажува и имам толку малку почит кон тој човек. Мислам дека е идиот!"

Дополнително, Томас рече дека принцот Хари „не е маж“ поради начинот на кој ја следи Меган Маркл „како дете“. Тој дури го спореди со принцот Вилијам и принцот Чарлс:

„Можете да ми кажете дека беше во војска, но не ми се верува. Мислам дека тој е некој вид будала. Тој има брат кој е вистински маж и има татко кој е вистински маж, но мислам дека никогаш нема да порасне“.

Поранешниот холивудски директор за осветлување не ја поштедил ниту сопствената ќерка на критиките. Тој ја обвини дека ја уништила врската на војводата од Сасекс со кралското семејство и дека Меган „лично забила клин“ во нивната врска.

За време на интервјуто, Томас се согласи и со она што неодамна го кажа Доналд Трамп за војводата и војвотката од Сасекс.

Поранешниот претседател на САД во интервју за Пирс Морган изјави дека војводата од Сасекс и неговата сопруга не ги почитуваат членовите на кралското семејство и целата британска јавност треба да им предложи засекогаш да им ги одземе кралските титули.

Опишувајќи го принцот Хари, Трамп оцени дека „Хари бил камшикуван како ниеден друг човек што мислам дека сум го видел“ и дека Меган Маркл го влечела за нос.

Трамп, пофалувајќи се себеси дека неговите предвидувања речиси секогаш се остварувале, заклучил дека Хари и Меган сигурно ќе се разведат.

Извор: Kurir.rs/GB News