5 утрински вежби во кревет за поубаво будење: Истегнете ги мускулите и чувствувајте се прекрасно
Утринските вежби
за истегнување кои се лесни за правење додека се уште сте во кревет, нема да ви
одземат премногу време, а промените кои брзо ќе ги забележите се фасцинантни.
Ќе се будите поодморени и подготвени за нов ден, расположението ќе ви се
подобри, телото ќе ви се зајакне, а болките, доколку ги имате, ќе престанат. По
некое време, овие вежби ќе ви станат утринска рутина и повеќе нема да морате да
се „присилувате“ за да ги правите -
едноставно, вашето тело ќе го направи тоа наместо вас.
1. Започнете ги утринските вежби со истегнување на целото тело
Легнете и истегнете се како на фотографијата. Истегнете се додека полека вдишувате и издишувате длабоко.
Ставете ги рацете над вашата глава, испреплете ги прстите и свртете ги дланките кон ѕидот, спротивно од главата и телото. Затегнете ги стапалата така што прстите се испружени напред. Истегнете ги рацете и нозете, држете ги неколку секунди, а потоа опуштете се. Повторете десет пати.
2. Свиткани колена
Почетната позиција е со испружени раце и нозе. Подигнете ги нозете со колената кон брадата и завиткајте ги рацете околу нив. Држете се со лесен притисок броејќи до 5, опуштете се, вратете ги рацете и нозете во почетната положба. Повторете го процесот 5, а ако имате време, 10 пати, бидејќи така ќе го добиете целосниот ефект од оваа вежба.
3. Колена на страна
Од позицијата на претходната вежба, колената остануваат свиткани. Поместете ги нозете на едната страна, а главата свртете ја на другата страна и испружете ја раката. Истегнувањето на телото треба да биде како на фотографијата. Сменете ја страната 10 пати и останете во една положба по 5 секунди.
4. Допирање на стапалата
Легнете така што целото тело повторно ќе ви биде испружено, а рацете и нозете се исправени. Полека, со кренати раце, приближувајте се кон нозете, свиткајте ја главата кон колената. Држете ги стапалата доколку можете или барем колку можете поблиску како на фотографијата. Со текот на времето, без многу напор ќе можете да ги држите колената целосно исправени, но најважно е да не се форсирате. Направете ист број повторувања како и во претходните вежби.
5. Истегнување на 'рбетот во „Турска положба“
Последната вежба најмногу ќе го зафати 'рбетниот дел, а одлична е ако имате болки во грбот. Истегнете ги рацете над вашата глава, со прстите испреплетени, кон таванот. Ставете ги стапалата во таканаречената „турска положба на седење“. Полека, од положбата со рацете кон таванот, движете ги целото тело и рацете налево, па надесно (5 пати во една насока, 5 пати во другата насока).
Фото:Youtube prtsc/eklinika
