Дарко Лешоски: "Не престануваш некого да сакаш само заради тоа што го мрзиш!"
Еден поинаков концепт на поетот и сестран уметник Дарко Лешоски специјално за Женски магазин. Преку медиум- видео форма ги растура своите мисли- всушност „чудни“, необични зборови од секој светски јазик кои имаат длабоко значење, а тој се надоврзува на суштината на зборот со одлична нарација, умствена „гимнастика“ и визуелен опис.
Sehnchuht. Именка. Потекло: Германски јазик. Копнеж.
"Не престануваш некого да сакаш само заради тоа што го мрзиш! " паметам сестра ми еднаш ми кажа.
И точно е.
Навистина е така.
Затоа ти си сега јазик кој јас никогаш повеќе нема да го говорам.
Никогаш!
Душата твоја за мене ќе биде мртов јазик - засекогаш.
И јас ќе молчам.
Ќе молчам.
Нема никогаш на тој јазик да прозборам пак.
јазик кој некогаш го говорев поубаво од било кого кој некогаш чекорел на оваа земја - јазикот на душата твоја!
Ама јас никогаш нема да престанам, јас не можам да негирам, јас не смеам да се правам луд и другите и себеси си сам да се лажам.
Дека јас сеуште знам и никогаш нема ни да заборавам дури дишам...
дека јас сеуште на тој јазик кој никогаш пак нема да го говорам, знам да читам и
да пишувам.
И тоа како знам!
Сеуште знам!
Како што гледаш...
И јас можеби ќе умрам да те прегрнам, ама рацете ќе си ги искршам попрво пред да ги пуштам.
