Французите се огорчени поради новата Мис Франција - прва победничка по 103 години која го има овој детаљ на себе: На многумина тоа им пречи, изборот засенет со критики и навреди
Во Франција синоќа се одржа изборот за мис, а набрзо по прогласувањето на победничката, на социјалните мрежи изби бизарна тепачка.
Имено, како најубава жена беше крунисана Ев Жил (20) од Норд-Па де Кале со пикси фризура, а токму овој детаљ и пречеше на француската публика. Тамошната јавност тврди дека жирито се придржувало до таканаречената „woke“ култура, односно дека намерно ја избралe различноста избирајќи ја „андрогината“ Мис Жил за Мис на Франција.
„Ова е првата победничка во 103-годишната историја на
изборот за Мис на Франција која нема долга коса и облини. Навикнати сме да
гледаме убави девојки со долга коса, но јас избрав андроген изглед со кратка
коса“, изјавила смелата Ев.
Таа ја опиша својата победа како „победа на различностите“, додавајќи дека секоја жена е различна и дека сите се уникатни. „Никој не треба да ви диктира кој сте“, коментира таа.
Во Франција победникот го избираат половина од гласовите на публиката и другата половина од жирито. Жили беше трета во јавното гласање, но жирито ја турна на првото место. Овој потег на жирито наиде на неодобрување на социјалните мрежи, а францускиот Х, односно поранешниот Твитер е полн со коментари во сличен дух.
„Мис Франција очигледно станува „woke“ натпревар со акцент на инклузивноста и повеќе не е натпревар за убавина“, „Не ни е грижа за нејзината пикси фризура, но андрогиното тело е таму за да се разбуди за да се разбуди „woke“ културата“, „Одбивам да прифатете дека ова е најубавата жена во Франција“, „Оваа принудна инклузивност почнува многу да ме нервира“, се дел од коментарите.
Од друга страна, дел од јавноста го поддржа овој избор и беа воодушевени од младата, симпатична Ев, нарекувајќи ја „вистинско освежување“.
Пратеничката Сандрин Русо се огласи и ја бранеше госпоѓица Жил: „Значи, во Франција во 2023 година, напредокот кон почитувањето на жените го мериме со должината на нивната коса?“.
Фото: Инстаграм/Принтскрин Јутјуб
Извор: zena.blic.rs
