Како да бојадисате јајца со восок: Стара техника за најубави шари, следете ги следните чекори и резултатот ќе ве воодушеви (ФОТО)

Фото: Profimedia

Подолу имате детално објаснение како се бојадисуваат јајца со свеќа. Со малку трпение ќе ги имате најубавите јајца на празничната трпеза!

Велигденските јајца попрскани со восок се особено украсни и сигурно ќе заземат посебно место на празничната трпеза. Декорирањето со восок не е комплициран метод за украсување јајца и ви дава можност да ја изразите вашата креативност.

Еве што ви треба за овој метод на украсување јајца:

- молив

- кутија иглички со глави (може да се користат и чепкалки за заби)

- бои во кеси (со пигмент, најевтини)

- голема дебела свеќа

- јајца

Закачете ја иглата со топчест врв на обичен молив, тоа ќе ви биде алатка за боење на јајцаца. Запалете ја свеќата, оставете добро да изгори и околу фитилот да се насобере стопен восок. Потопете ја иглата во растопениот восок, а потоа во огнот на пламенот и брзо доведете го јајцето и нацртајте.

Потребно е малку вежбање додека не добиете самодоверба. Ако намазот е премногу тенок, повторно нанесете го восокот. Секогаш стопете ја иглата со восокот во пламенот, тоа е многу важно за постапката!

Јајцето потопете го во боите што сте ги подготвиле според упатството на кесичката. Свртете го јајцето за рамномерно да се обои. Извадете го јајцето од бојата, избришете го со салфетка и доведете го директно на пламенот од гас - на оган.

Внимавајте на прстите! Восокот ќе се стопи, па веднаш избришете го со салфетка.