На 44 години добив Паркинсонова болест: Ова се скриените симптоми кои ги игнорирав и ве молам запомнете ги

Добивај вести на Viber

Дона Маршал (54) од Кент има Паркинсонова болест. Првите симптоми ги почувствувала кога имала дваесетина години, но ги игнорирала, но конечната дијагноза ја добила на 44 години. Таа вели дека еден од првите симптоми што ги доживеала биле губење на вкусот и мирисот, кои се помалку познати предупредувачки знаци на болеста.

-Отпрвин го изгубив сетилото за мирис, но не обрнував многу внимание на тоа. Подоцна го изгубив и чувството за вкус - изјавила Дона, пренесува„Мирор“.

Инаку, според податоците на Светската здравствена организација, губењето на сетилото за мирис, медицински познато како аносмија, го доживуваат и до 95 отсто од луѓето кои боледуваат од оваа болест и често е првиот знак на болеста.

Исто така, Дона вели дека била опседната со шопинг, каков што досега не била, што е промена во однесувањето што се јавува кај некои пациенти.

Треморот е уште еден типичен симптом на Паркинсоновата болест, а првпат се појавил кога Дона имала 42 години.

-Се шетав на плажа. Ја погледнав раката и се тресеше, се прашував зошто е тоа така. Сега, се разбира, знам дека тоа се должи на Паркинсоновата болест.

Исто така, Дона вели дека пресуден симптом била дистонија, која се манифестира како повторливи грчеви и грчење на мускулите кои можат да бидат болни и да траат со часови, било пресудно за поставувањето на дијагнозата што ја добила на 44-годишна возраст.

Денес, Дона вели дека тешко оди и дека најтешкиот дел е тоа што не може да води нормален живот. Таа се обидува да не ѝ покаже на својата деветгодишна ќерка Бу, штетата што ја прави Паркинсоновата болест. И затоа апелира до сите луѓе доколку ги забележат првите симптоми веднаш да одат на лекар, бидејќи колку побрзо се дијагностицира болеста, толку се поголеми шансите пациентот да има подобар квалитет на живот.

Инаку, од Паркинсонова болест боледувала и нејзината мајка Маргарет која починала на 80 години, а последните шест години живеела како растение.

Дона пред еден месец имаше операција за длабока мозочна стимулација, која вклучува поставување на уред во мозокот кој цели на одредени области. Таа се надева дека уредот ќе ја ублажи болката од некои нејзини симптоми, вклучително и дистонија.

Што е Паркинсонова болест?

Паркинсоновата болест е невродегенеративно нарушување кое влијае на нервните клетки во мозокот кои го контролираат движењето. Со текот на времето, симптомите постепено се влошуваат. Ова може да предизвика симптоми поврзани со движењето, како и болка, депресија и губење на сетилото за мирис. Повеќето луѓе кои заболуваат од Паркинсонова болест се постари од 60 години, но еден од десет луѓе кои ја заболуваат имаат помлади од 50 години, а мажите имаат поголема веројатност да ја добијат.