Од дрска елеганција, преку шик до заводнички дамски стил: Трите холивудски диви направија моден бум на црвениот тепих во Санта Моника

Добивај вести на Viber

Како и секоја година, доделувањето на филмски и ТВ награди не може да помине без дефиле на познати ѕвезди.

Многу познати личности, како што се актерките Анџелина Џоли, Никол Кидман, Деми Мур синоќа гордо прошетаа на црвениот тепих, а добрите познавачи на модата имаа можност да го пофалат, но и да го осудат овогодинешниот аутфит.

Судејќи според фотографиите и коментарите на мрежите, доделувањето на наградите „Critics Choice“ се одвиваше во знакот на иновативни комбинации на облека, гламурозни тоалети, но и винтиџ креации.

Овие три дами се извоија со својот стајлинг и заслужија да бидат „украсени“ со титулата најдобро облечени жени од јавниот свет.

1. Деми Мур - Дрска елеганција во креација со скриена порака: Деми Мур (62) одржа вистинска модна лекција и никогаш не била помоќна

Оваа вечер и беше многу важна, па се облече соодветно - едноставно беспрекорно.

Актерката ги доби сите симпатии и овации, не само поради освојувањето на наградата за најдобра женска главна улога во филмот „The Substance“, туку и за беспрекорниот моден избор кој беше вистинско уживање за модните познавачи.

Мур зачекори на црвениот тепих во неверојатен фустан од мода на Schiaparelli кој одлично ја истакна нејзината фигура.

Оваа смела креација, инспирирана од куќата на препознатливата авангардна естетика на Schiaparelli, се одликуваше со крој на корсет што ја нагласи нејзината половина, додека обемните колкови додадоа допир на драма.

Предниот дел на фустанот беше украсен со црни кристали кои дискретно блескаа под рефлекторите, додека долниот дел од фустанот се трансформираше во „искината“ силуета, откривајќи делови од кожата и создавајќи ефективен визуелен контраст.

Деталот на задната страна носеше посебна симболика - врвка во стил на корсет што потсетуваше на гротескните шевови на нејзиниот лик во филмот, кои суптилно, но генијално ги поврзуваа уметноста и модата.

Стајлингот го заокружи со темно сини салонки со впечатлив детаљ – бел бисер на предната страна, додека од накитот блескаа дијамантски парчиња од колекцијата Tiffany & Co.

Нејзината долга црна коса беше елегантно навлечена во беспрекорна залижана пунџа, додека нејзината шминка следеше софистицирана естетика - голи усни, меко руменило во боја на праска и зачаден изглед создадоа гламурозен, но мистериозен ефект.

Деми Мур со ова издание уште еднаш докажа зошто е вечна модна икона - смела, софистицирана и непогрешливо елегантна, синоќа ги помести границите на црвениот тепих и го направи своја модна писта.

2.Никол Кидман - Моќна и синоним за шик: Стајлингот на Никол Кидман (57) одговара на секоја фигура и каде и да го носи - нема да погрешите!

Познатата актерка важи за една од најдобро облечените дами во светот, а овој моден избор е вистински доказ дека таа титула ја носи со причина.

Никол Кидман, беше номинирана за најдобра споредна женска улога благодарение на нејзината маестрална изведба во серијата „Лавица“ во продукција на Paramount+.

Иако наградата отиде во рацете на друга актерка, Никол успеа да ги засени сите присутни - не само со својот непобитен талент, туку и со софистицираното модно издание кое зрачеше со елеганција и моќ.

Австралиската дива, позната по своето непогрешливо чувство за стил, се одлучи за извонреден и во исто време неочекуван аутфит - предимензиониран женски костум од најновата колекција на Сен Лоран пролет 2025 година.

Костимот во топла капучино нијанса се карактеризира со прецизно исечени линии кои ја истакнуваат високата и витка фигура на Никол, додека неговиот лежерен крој внесува примеси на софистициран ноншалантен стил.

Под сакото актерката носеше класична кошула со дискретни пруги, а стајлингот дополнително го збогати со класична машна која на целиот изглед му даде софистициран и малку андроген шмек.

Она што дополнително го подигна овој стајлинг на повисоко ниво беа внимателно одбраните аксесоари - Никол сè зачини со впечатлив накит од брендот Roberto Coin, од престижната колекција „Навара“.

Златните детали ја додадоа потребната доза на гламур, додека лакираните црни мокасини Сен Лоран беа последниот допир што го заокружи целиот аутфит.

Со ова модно издание, Никол Кидман уште еднаш докажа зошто е модна икона - ја спои строгоста и формалноста на класичниот костум со шик стил без напор, создавајќи изглед кој зрачи со моќ, харизма и беспрекорен вкус.

Таа уште еднаш покажа дека секогаш игра по свои правила на црвениот тепих - и секогаш победува.

3.Анџелина Џоли -Проѕирен, но не открива ништо: Фустанот на Анџелина Џоли што заведува и зрачи со дамски стил

Една од најубавите жени кои Холивуд ги имал досега повторно не потсети зошто го има тој статус, во тоалета кој е преубава, а сепак во служба на бескрајната убавина на Анџелина Џоли.

Откако пред неколку дена избра бела облека за меѓународниот филмски фестивал во Санта Барбара, таа пристигна во Санта Моника во ефикасен стил на неутрална боја.

Анџелина овој пат облече проѕирен фустан во светло кафена боја, во камел нијанса, потпишан од модната куќа Elie Saab. Станува збор за модел од колекцијата пролет и лето 2025 година, кој е украсен со винтиџ цветен вез на проѕирен слој ткаенина што покрива материјал во боја на кожа.

Многу впечатлив поради V-деколтето и лабавите, кратки ракави, фустанот е исечен под градите, што визуелно го подига струкот и ја издолжува фигурата и паѓа до подот.

Анџелина не ги покажа чевлите поради должината на фустанот, ја раздвои косата и ја пушти преку едното рамо и надолу по грбот, а се одлучи за многу едноставна шминка, со акцент на усните благодарение на класичниот црвен кармин.