Принцот Вилијам му пружи рака на помирување на братот Хари? Потег кој не го направил 6 години
Емотивното отворање на филмот нагласува како страста на принцот да стави крај на бездомништвото е поттикната од сеќавањата на неговата мајка
Принцот Вилијам му подаде рака на помирување на својот брат принцот Хари со тоа што јавно го именуваше за прв пат по шест години.
Во новиот документарен филм Принцот Вилијам: Ние можеме да ставиме крај на бездомништвото, Вилијам раскажува како принцезата Дијана ги однела браќата во засолниште за бездомници во Лондон кога тие биле деца за да ја прикажат реалноста на животот надвор од палатата.
Филмот вклучува потресни досега невидени фотографии на Вилијам и Дијана како шетаат по патеката во Вестминстер, од кои едната го прикажува младиот принц како студиозно игра шах со бездомник во засолниште. Во вториот, снимен во декември истата година, гледаме младиот Вилијам во костум и чизми како стои до неговата мајка во засолниште, со рацете полни со подароци.
- Мајка ми ме однесе таму, всушност, таа ме зеде мене и Хари. Таму сретнуваш луѓе кои ти ставаат поинаква перспектива во главата – вели принцот.
Емотивното отворање нагласува како страста на принцот да стави крај на бездомништвото е поттикната од сеќавањата на неговата мајка.
До овој филм, кој беше снимен во јуни минатата година, Вилијам го немаше изговорено името на својот брат во јавен говор или интервју од 2018 година, пишува Dailymail.
Во документарецот гледаме и фотографии од браќата од нивното детство.
– Сакам да ја користам мојата платформа за добро – изјави принцот Вилијам.
