Симбол на отпорот или фигура: Вистината за Меланија Трамп
Американските медиуми сметаат дека првата дама на САД Меланија Трамп со своите изјави, модни изданија или пак со самото молчење, дискретно се спротивставува на својот сопруг, американскиот претседател, Доналд Трамп. Таа неодамна ги посети раселените деца, откако тие беа одвоени од нивните семејства, притоа пркосејќи на одлуката на Трамповата администрација.
Во периодот кога Трамп беше обвинет за афера со порно актерката Сторми Даниелс, таа само се повлече од јавноста. Кога станува збор за медиумите, особено оние кои се спротивставуваат на политиката на американскиот претседател, таа преку својата портпаролка Стефани Гришам, на јавноста и порача дека на телевизија ќе гледа тоа што сака, па макар и да се тв канали, кои се последни на листата на нејзиниот сопруг..
Најнов пример за дистанцирањето од политиката на Трамп е нејзиниот одговор на критиките, кои тој му ги упати на Леброн Џејмс, чија интелигенција ја исмеја во интервју за СиЕнЕн. Овој пат, повторно преку нејзината портпаролка, таа одговори: „Леброн Џејмс вложува во добри работи за идните генерации“, но и дека во иднина би сакала да го посети неговото училиште за деца под ризик.
Балансот кој Меланија го прави е перфектен. Од една страна ги истакнува своите ставови, а од друга гледа тие да не наштетат на Трамп. Иако првата дама на САД јавно не го напаѓа соругот, сепак левицата во неа гледа „Симбол на отпорот“, жена која не се согласува со непопуларната политика на Доналд Трамп.
