Сите мислеа дека уживам во слава и богатство, а јас живеев во пекол: Мрачните денови на Деми Ловато
Во очите на јавноста успешна и позната, американската sвезда
во неодамна прикажаниот документарец „Танцувајќи со ѓаволот“ откри дека во
приватниот живот била растргната од траумата поради силување и бегала од реалноста барајќи дрога и речиси го загуби животот.
- Сите мислеа дека уживам во слава и богатство, а живеев во пекол, вели американската пејачка и актерка Деми Ловато (28) во документарната серија „Танцувајќи со ѓаволот“, во која открива сè за нејзината борба со зависноста и нарушувањата во исхраната, проблеми со менталното здравје и сексуалната злоупотреба.
Филмот беше премиерно прикажан на фестивалот SXSW, еден од најголемите светски музички и интерактивни филмски фестивали, што се одржуваше секој март од 1987 година во Остин, Тексас.
- Благодарна сум што сум жива. Бев на чекор до смртта кога се предозирав. Лекарите ми рекоа дека немало да ме спасат ако ме однеле во болница само пет или десет минути подоцна - се присети Ловато во јули 2018 година, кога по повеќе години зависност таа скоро ја помина фаталната граница. Во тие мрачни денови кои нејзиниот живот го претворија во пекол, тоа беше моментот кога го достигна дното.
На 15 години, таа веќе беше sвезда
Родена е во 1992 година во градот Албукерки, во семејството на поранешната навивачка Диане Де Ла Гарза и музичарот Патрик Мартин Ловат, таа ја започна својата кариера како десетгодишно дете, со улога во детската ТВ серија „Барни и пријатели“ . Слаткото девојче со заразна насмевка, кое подеднакво добро танцува, игра и глуми, стана миленик на публиката на петнаесет години кога глумеше во филмот Дизни „Камп рок“ и ТВ серијата „Сони ги остварува своите соништа“.
Деми Ловато влезе во шоу-бизнисот на десет години
Паралелно, таа ја разви својата музичка кариера, а нејзиниот деби сингл „This Is Me“ влезе во Топ 10-те најслушани песни во САД. Но, иако се чинеше дека ги оствари своите соништа за успех, Ловато живееше во кошмар.
„Ја изгубив невиноста со силување кога имав 15 години“, рече таа.
- Започнавме врска, но јас веднаш му кажав на момчето дека ништо нема да се случи. Не му беше гајле. Се обидов да го оправдам тоа префрлајќи ја вината врз себе затоа што доброволно отидов во собата со него.
Иако во документарецот не откри кој ја силувал, навести дека станува збор за некој со кој соработувала додека снимила филмови за Дизни и ТВ серијали. Најжално е тоа што никој не реагирал иако јавно зборувала и пријавила.
Силувачот не бил казнет
- Реков дека некој ме злоупотреби, но тој не претрпе никакви последици. Тој дури и не ја изгуби улогата во филмот. Па, тоа е мојата приказна #MeToo.
Траумата на сексуално вознемирување, засилена од чувството на вина и неможноста на општеството да го казни сторителот, ја претвори младата талентирана девојка во кревка личност која беше весела и насмеана однадвор, а се распаѓаше одвнатре.
- Морав постојано да ја гледам таа личност, а мојот одбранбен механизам беше што престанав да јадам и почнав да се повредувам. Поради булимијата, често повраќав, па почнав да повраќам и крв - се присети Ловато, која спасот го нашла кај опијатите.
А, тие влијаеја на нејзината психа, па имаше невротични испади. Таа го „прослави“ полнолетството со својата прва посета на клиниката за рехабилитација.
Пресврт се случи во јули 2018 година, кога дрогата ја однесе на работ на смртта.
- Кога ме најдоа, бев гола и целата со модринки. Додека умирав, дилерот ме силуваше и замина. За среќа, мојот асистент ме најде и ме одведе во болница, а таму ме прашаа дали имав доброволен секс. Во главата имав само слика од него, па инстинктивно реков „Да“. Дури подоцна сфатив дека не сум во можност да направам ништо доброволно - рече таа.
- Луѓето не сфаќаат колку бев лошо. Моето тело пропаѓаше. Имав три мозични удари, кои имаат трајни последици - рече Ловато, свесна дека не може да оди кон полошо.
- Морав да умрам за да се разбудам. Сега сум подготвена да се посветам на себе и целосно да закрепнам, но свесна сум дека ова е процес што ќе трае долго.
Линди Лохан
На три годишна возраст таа сними реклами, на десет имаш постојана улога во сапуницата „Друг свет“, а како дванаесетгодишно девојче станала ѕвезда на Дизни со хит филмот „Стапица за родители“.
Следуваше метеорски пораст, но и уште побрз пад во канџите на зависност и ментални проблеми. Иако нејзиниот талент никогаш не бил доведен во прашање, денес, поради непредвидливост, повеќето режисери и филмски студија ја избегнуваат.
Бритни Спирс
Блескаше во шоуто на Дизни „The Mickey Mouse Club“, и стана светска sвезда по хитот „ Baby One More Time“.
Таа продаде милиони плочи, а потоа дојдоа и проблемите со зависност и ментални болести, а денес таа е лице кое не е правно способно.
Мајли Сајрус
Од прекрасна девојка од ТВ серијата „Хана Монтана“, таа брзо се претвори во музичка sвезда која живееше во стилот на „секс, дрога и рокенрол„.
После низа врски, вклучително и со актерите Ник Џонас и Патрик Шварценегер и моделот Стела Максвел, таа се омажи за холивудската sвезда Лиам Хемсворт, но бракот траеше помалку од една година.
Фото: Profimedia
