Тијана неутешна за смртта на новинарот Борис Триван: Па како бе така одненадеш, не е фер
Новинарот Борис Триван од соседна Србија, одеднаш почина денеска во Берлин, за време на предавањето на кое учествуваше со своите колеги.
На уредникот на порталот „Noizz“ му застанало срцето, а лекарите можеле да идентификуваат само смрт.
Триван е роден во 1979-та година во Зрењанин, а во последната деценија и половина живееше и работеше во Белград. Тој доби слава преку Твитер со прекарот Покојна Милева. Тој беше пионер во комуникацијата и маркетингот на социјалните мрежи во Србија, каде што за многу кратко време доби големо влијание со неговиот уникатен дух и стил. Тој има напишано стотици колумни и текстови за бројни српски медиуми. Тој беше еден од иницијаторите и предавачите на Институтот за дигитални комуникации во Белград.
- Милева го започна својот живот (да не речам смрт) како интерна шега со моите пријатели на Фејсбук. Роден сум во едно духовито, но патријархално семејство склоно кон комунизам, и веќе 20 години сум ангажиран во археологијата, од коишто 10 поминав низ Египет, копајќи мртви луѓе во песокот. Претпоставувам дека духовитата, мртва партизанка, со цврсти морални принципи е всушност сосема логична „последица" на мојот досегашен живот - ја објасни Борис своевремено, причината за името Покојна Милева на Твитер.
Смртта многу ја погоди пејачката Тијана Дапчевиќ, која беше блиска пријателка со новинарот Триван.
- Е мој другаришка, па како бе така одненадеш. Па кој ќе ме засмејува сега до солзи, кој ќе ме зафркава дека сум дебела и дека никогаш нема да ослабам. Смрдо мој, срцето ми пукна, многу сум тажна, не е фер... воопшто не е фер.. нека те чуваат ангелите... те сакам- напиша Дапчевиќ на својот профил на Фејсбук и сподели нивна заедничка фотографија.
