Три трикови со кои кујната ќе ви изгледа скапо: Нема да потрошите многу пари, а ќе биде како од списание
Уредувањето на кујната може да биде предизвик, бидејќи е тешко да се балансираат изгледот и функционалноста. Со 3 клучни трикови можете да постигнете луксузен изглед како од списание.
Уредувањето на кујната е многу важно, бидејќи оваа соба е омилен дел од куќата на многу луѓе, каде поминуваат многу време, особено ако е поврзана со трпезаријата или дневната соба. Бидејќи во неа се собира целото семејство, а често и гости, на многумина им е важно да изгледа убаво и модерно. Доколку сакате да изгледа поскапо, не мора да трошите многу пари, само користете ги следните трикови:
1. Уреди од ист сет
При изборот на уреди, обидете се да ги имате од истиот комплет или барем од исти бои. Доколку веќе сте набавиле уреди со различен изглед и дизајн, оставете ги на видно место оние што се вклопуваат, а останатите скријте ги внатре во кујнските елементи.
2. Внимателно избирајте чинии и прибор
Кога купувате чинии, направете похрабар избор, одлучете се за цветни чинии, нежни, пастелни бои или темна верзија. Често изгледа многу полуксузно и попривлечно од класичните, бели чинии. Усогласете ги аксесоарите со нив: секако, се водите од личните преференции, но размислете како би одговарал комплет во златна боја или во бакарна нијанса. Таквиот елемент може да внесе допир на луксуз во внатрешноста и да направи вашата кујна да изгледа помодерно и поскапо.
3. Внесете билки
Веројатно многу пати сте слушнале дека растенијата често ја менуваат целата атмосфера на собата. Секако, тоа важи и за кујната, изберете растенија кои ќе можете да ги чувате на кујнските полици или пулт. Би било добро да се фокусирате на лозици, красули и слични растенија кои не цветаат, бидејќи подобро поднесуваат чести промени на температурата и пареата при готвењето. Исто така, билките се погодни за кујната, бидејќи покрај тоа што ќе ви го украсат просторот, секогаш ќе ви овозможат свежи додатоци во вашите оброци.
Можеби ќе ве интересира
