Велат дека е најголем „папучар“ во Холивуд! Жените тврдат дека е Бог алфа маж, а тој вели: „Апсолутно се плашам од сопругата“

Холивудскиот актер Џејсон Момоа (42) уште еднаш ни докажа дека со право се смета за најсекси маж на светот, и колку изгледа импресивно и мажествено! Момоа е sвезда на новото австралиско издание на списанието „Men's Health“, а уредниците објавија неколку месеци стари негови фотографии, кои се фокусираат на неговото грубо лице, малку дивиот изглед и неверојатниот бицепс!

Во интервју за самото списание, Џејсон, најпознат по улогите на Акваман, Конан Варваринот и Кал Дрог од „Игра на тронови“, вели дека тој нема ниту дел од карактерот на неговите ликови. 

„Можеби изгледам големо и тврдо, но не сум. Воопшто не сум како Кал Дрого. Не сум шеф ниту во мојата куќа. Апсолутно се плашам од сопругата“, изјави Момоа за Men's Health.

Да потсетиме, тој е оженет со својата 12-години постара колешка Лиза Бонет (53), а парот е заљубен од 2005 година. Имаат две деца ќерка Лола (14) и син Наку-Волф (11), а Лиса од првиот брак со Лени Кравиц има и 32-годишна ќерка Зои.

„Мојата сопруга е многу софистицирана и паметна и нашите деца и јас сме како животни на кои им треба подобра обука. Постојано работам на тоа и се обидувам да станам подобар како татко и сопруг“, додаде згодниот актер. 

Момоа еднаш призна дека бил преплашен кога ја запознал својата сопруга и дека едвај собрал храброст да ја покани на состанок.

„Имав само осум години кога ја видов на телевизија и ѝ реков на мајка ми дека навистина ја сакам. Решив дека ќе ја шпионирам до крајот на мојот живот и дека ќе ја освојам“, рече во една прилика актерот. 

„Тоа и го признав само кога се венчавме и имавме две деца. Не сакав таа да мисли дека ја демнам за да можеме да бидеме заедно и таа да мисли дека сум лудак", додаде тој.

Фото: Профимедиа/Инстаграм