Добивај вести на Viber

Според фенг шуи, сè има своја енергија

Секоја сезона претставува можност да започнете одново и да влезете во нова фаза во вашиот живот. Како што се менува природата, така можете да ги отфрлите старите верувања и ставови и да прифатите нови! Еве неколку совети за фенг шуи за да го подготвите вашиот дом за зима, да ги соберете наградите од вашиот труд и да се подготвите за сите добри работи што доаѓаат:

Загрејте го вашиот дом

Деновите стануваат пократки и постудени, што значи дека ви треба многу повеќе топла и пријатна енергија во вашиот дом. Тоа најлесно ќе го постигнете со топли, земјени бои, беж, кафена, жолта и портокалова, загаситозелена. Не мора да варосувате, доволно е да додадете неколку детали во форма на украси и текстил - перници, навлаки... Исто така, осветлувањето е уште еден начин за загревање на домот. Поставете светилки со пријатно осветлување во различни агли од собите во кои престојувате. Светлината треба да биде пријатна, да создава релаксирачка атмосфера, не премногу силна и агресивна.

Поставете ги симболите на жетвата

Жетвата е време на берење плодови, т.е. симболична награда за напорниот труд што сте го вложиле во текот на пролетта и летото. Направете есенски аранжман на масата во дневната соба или во кујната. Можете да ставите тикви, бидејќи тие претставуваат среќа и изобилство во фенг шуи, пченка, јаболка, јаткасти плодови... Сите овие претставуваат богата жетва и симболизираат богатство и просперитет.

Отворете ги прозорците за да влезе свежа енергија

Ако сте го вклучиле клима уредот цело лето, есента е одлично време да го исчистите застоениот воздух во вашиот дом. Сонцето и свежиот воздух ја отстрануваат стагнантната чи енергија.

Исчистете го нередот

 Работите имаат тенденција да се натрупуваат. Како што е време да паѓаат лисја од гранките, време е и вие симболично да се ослободите од вишокот работи. Пуштете го старото за да бидете подготвени да го засадите новото!

Средете ја надворешноста

Негативната енергија се акумулира не само во куќата, туку и на терасата и во градината. Подгответе го вашиот двор или тераса за зима. Исчистете ја пајажината од мебелот на отворено, соберете паднати лисја, исечете ги растенијата на кои им треба обнова, исечете го она што пресушило или обраснало. Ова ја чисти стагнантната чи енергија и ви помага да продолжите напред во животот!

Освежете ја влезната врата

Влезната врата е особено важна бидејќи е местото каде свежата животна сила влегува во вашиот дом. Исчистете ја патеката, ако имате скалила, измијте ја влезната врата, ставете нова патосница и додајте есенски венец за украсување! Ако имате простор, ставете цвеќе или растение до него.