За него ќе оставеше сè: Најсаканиот љубовник на принцезата Дијана
Поранешниот љубовник на принцезата Дијана, Оливер Хоаре (73), лани во ноември почина во Франција, по долгогодишна борба со тешка болест.
Оливер беше трговец на уметнички дела и долгогодишен пријател на принцот Чарлс, но и опсесија и голема љубов на Дијана.
Како што се шпекулира, Дијана и Оливер започнале афера, по смртта на таткото на Дијана, Ерл Спенсер, во март 1992-ра година.
Нивната врска завршила кога неговата сопруга се заканила дека ќе се разведат и тоа откако обезбедувањето на палатата, наводно, го пронашло полугол Оливер како се крие зад едно дрво на имотот и пуши.
Дијана се доверила на своја пријателка дека нејзин животен сон е таа и Хоаре да избегаат од сè и да отидат да живеат во Италија.
Според британските медиуми, Дијана по завршувањето на врската го малтретирала со повици и почнала да го прогонува. Неговата сопруга повикала полицијата, бидејќи дење и ноќе им ѕвонел телефонот, а потоа се открило дека повеќе од 300 повици доаѓаат токму од домот на Дијана. Потоа полицијата објави дека истрагата била прекината на барањето на Хоаре.
