Барај жена на која можеш да и се восхитуваш и покрај која ќе станеш подобар човек: Писмото на еден татко до синот
Кога беше мал, еднаш и кажа на мајка ти дека сакаш да се омажиш за неа кога ќе пораснеш.
Добро се насмеавме на тоа. Сега, кога си возрасен, знаеш дека тоа не е можно, но тогаш го кажа затоа што таа ги има сите квалитети што сакаш да ги има твојата жена. Имаш само 20 години и веројатно ќе имаш неколку девојки пред да се омажиш, но треба да знаеш дека не треба да го губиш времето со некој што не ти одговара и не треба да правиш грешки за кои ќе жалиш подоцна.
Барај жена која ќе е подобра од тебе, жена на која ќе и се восхитуваш не само поради нејзината убавина, туку и поради нејзината интелигенција, став и начинот на кој таа се однесува кон семејството и пријателите. Кога ќе најдеш некој кој е подобар од тебе, автоматски ќе сакаш да бидеш и ти подобра личност покрај неа.Не е важен нејзиниот социјален статус или нејзината религија, не е важно колку пријатели има и дали е високо образована. Ништо од тоа не е важно. Важно е дали покрај неа се чувствуваш како подобра личност. Биди господин. Држи ја вратата за неа, носи ја нејзината чанта, дај и ја твојата јакна кога е ладно за да не смрзне.
Секој ден кажувај ѝ колку е убава. Почитувај ги нејзините родители, дури и кога е лута на нив, почитувај ги. Биди нејзина поддршка, поттики ја да прави некои нови работи за да стекне нови искуства. Почитувај го нејзиното мислење и нејзините одлуки во секое време. Таа ќе ти се заблагодари за тоа и ќе ја сакаш уште повеќе поради тоа.
Не ја навредувај, ниту неа, ниту нејзиното семејство, имај почит. Ако и кажеш дека ќе направиш нешто, направи го тоа и не ја изневерувај. Биди зрел маж и стој си на зборот. Не и праќај пораки, разговарај со неа. Ако направиш грешка, признај дека си згрешил и обиди се да ја поправиш.
Секогаш слушај ја неа, а не другите луѓе. Важни сте вие двајца, а не што велат другите. Нека ја каже својата страна од приказната. Биди ѝ најдобриот пријател на својата сопруга, некој во кој може да има доверба и да се потпре.
Запомни дека љубовта е трпелива и љубезна, љубовта не завидува и не се фали, не е арогантна или груба. Љубовта е чудо што му се случува на секој што сака, и знај дека колку повеќе љубов даваш, толку повеќе ќе ти се врати.
ФОТО: Freepik
