„Додека бев со Пријовиќ цело време имав силно чувство дека нешто ќе се случи“: Перучица за врската која сè уште ја интригира јавноста

Неодамна во една српска емисија, пејачот Љуба Перучица ја раскажа својата животна приказна, а дел од неа беше и Александра Пријовиќ. Популарниот пејач денеска ужива во хармоничен брак со својата долгогодишна партнерка Катарина Колозеус.

Пред Катарина, по натпреварот „Ѕвезде Гранда“, Љуба Перучица беше во емотивна врска со Александра Пријовиќ, и важеа за едни од најпопуларните двојки.

„Тогаш имаше многу парови во Гранд, заедно бевме две години. На луѓето им беше интересно, додека траеше - траеше, кога престана, застанавме и тоа е тоа. Врски имаше и пред и после тоа“, изјави Перучица.

Тој ја коментираше врската со Александра Пријовиќ, а се навраќаше на нејзините амбиции кои ги имаше во тој период и рече дека можел да го насети нејзиниот успех.

„Разговаравме за тоа кога бевме заедно, таа уште тогаш знаеше дека ќе се случи нешто големо, не само таа, туку и јас знаев и имав силно чувство дека ќе биде така. Прво, таа пее неверојатно добро, тоа е талент со кој сте родени. Така пеела на 7 и на 13 години. На второ место се песните што ги избирате и како истите ги интерпретираше. А и среќата е важен фактор во сето тоа. Кога ќе се поклопат коцките, тоа функционира одлично“, истакна Перучица.