(ФОТО) Боичката ќе ја добијат со текот на времето: Тина за фламингата од ЗОО Скопје
Тина Мицковска која се грижи за објавата на забавните и едукативни видеа од Зоолошката градина во Скопје на својот профил објави неколку фотографии во чест на фламингата кои сега се главна и најнова атракција. И ако се зачудивте зошто не се розови какви што знаеме дека се фламингата, таа одговори и на тоа прашање.
- Нашите малечки, а сепак големи розеви фламинга.Боичката ќе ја добијат со текот на времето, преку специјалната исхрана. Фала на Anastasovski Goran за преубавите фотки- напиша Тина.
Таа претходно изјави дека животните постојано ја добиваат потребната грижа, храна и витамини додека трае кризата со ширењето на корона вирусот. Вработените ветеринари и персонал несебично работат секојдневно со животните и се врши неопходната дезинфекција. Видеата имаат за цел да ја пробудат емпатијата кај луѓето која сега и тоа како ни е неопходна.
