(ФОТО) Маја Шупут ќе стане мајка на 41 година: Со надеж дека следните 35 недели ќе поминат безбедно
Хрватската пејачка Маја Шупут Татаринов и сопругот, претприемачот Ненад Татаринов, го очекуваат своето прво дете. Среќната вест 41-годишната Маја ја сподели со своите следбеници на Инстаграм профилот, објавувајќи фотографии од професионална фотосесија.
- Изненадување! Драги мои, од сите соопштенија и најави, имам многу поголема вест од сите претходни. Оваа е најубава и толку магична за нас што не можам да ви ги опишам нашите чувства. Имено, во нашето мало, но полно со љубов семејство, доаѓа принова како најголем подарок и како алка што отсекогаш се бараше и единствено што недостасуваше за нашиот универзум. Се подразбира дека и двајцата сме на „седмо небо“ и дека зборот возбуда достигна нова димензија. Конечно дојде време да ви ја откриеме слатката тајна и бебето да го има првото фото-сеќавање од стомакот на мама. Денес славиме 15 недели со надеж дека следните 25 ќе поминат толку убаво и безбедно за нас - напиша популарната пејачка под серијата фотографии на кои гордо позира со сопругот држејќи се за трудничкиот стомак. Честитки во коментари пристигнаа од сите хрватски ѕвезди како Северина, Нивес Целзиус, Николина Пишек... Среќната брачна двојка неодамна прослави три години во брак.
