(ФОТО) На Козјак немаше каде игла да се фрли, цело Скопје побрза да го види новиот ресторан
Вчерашното официјално отварање на ресторанот „Аурора“ на Козјак направи гужва на популарното излетничко место од кое се гледа езерото Козјак. Метеж од народ и од автомобили кои кружеа наоколу барајќи паркинг, е сликата која ја видовме денес на Козјак. Откако ресторанот вчера на својот Фејсбук профил објави дека официјално е отворен, цело Скопје побрза накај Козјак, да ужива во глетката на езерото, да дише чист воздух, но и да го види новиот ресторан кој почна да се гради минатата година.
Во ресторанот се влегува само со резервации, а веќе на пладне, немаше ниту една маса на сончевата тераса од која се пружа поглед кон езерото. Сите места беа претходно резервирани за ручек, а на оние беа дојдени само за пијалок, персоналот на ресторанот им препорача следниот пат да резервираат на време или да почекаат неколку часа да се ослободат места. Беа полни и излетничките места, иако повеќето од автомобилите ги беа зафатиле, паркирани меѓу дрвата околу.
(М.Џ.)
