Македонката Натали Димитровска жива ја запали: Како изгледа Дана, по година и пол во болница и над 200 операции
Дана Вулин, поминала низ ужасни маки, кога пред десет години љубоморна жена жива ја запалила
Деценија подоцна, по долга борба и агонија и 200 естетски зафати, Дана, Србинка од Перт, денес изгледа вака.
„Ова е начин да им се покаже на другите борци и на сите други луѓе дека се е можно“, напиша Дана во видеото што го објави.
Тешки изгореници и повеќе од 200 операции преживеала Дана Вулин (36) од Перт, која има српско потекло, бидејќи Македонката Натали Димитровска , од љубомора ја полила со медицински алкохол и ја запалила. Овој ужасен чин се случи во 2012 година, а Дана сега, 10 години подоцна, во видеото кое го сподели на социјалната мрежа Инстаграм се сеќава на се што преживеала.
Оваа девојка во својата книга признала се за страшните работи и тепачката која ја водела, почнувајќи од фаталниот напад во февруари 2012 година.
Деценија подоцна се присети на хоророт, па преку видео ги покажа сите фази на закрепнување.
- Ова е начин да им покажеме на другите борци и на сите други луѓе дека се е можно - пишува Дана во видеото и додава дека е горда што не се откажала од своето тело и што денес се чувствува силна и во подобра форма од кога било досега.
Како што истакнува, видеото го споделила сурово, без монтажа и филтри.
- Тоа што ми се случи е најсурово нешто на светот, но, за жал, не се осмелив да се огласам поради судењето. Се сеќавам дека бев толку очајна, па сега чувствувам одговорност да ја откријам мојата приказна, со оглед на тоа што сите знаат што ми се случи, да споделам со другата страна, што постигнав и дека моето закрепнување е многу повеќе од естетско – изјави таа.
Дана, инаку, магистрирала медицина и работи во областа која се занимава со закрепнување и лекување на лузни, а отворила и своја клиника во која доаѓаат сите кои имаат проблеми со лузни, без разлика на нивното потекло.
Зошто Натали ја нападнал Дана?
Натали била љубоморна затоа што Дана разговарала со нејзиниот сопруг за време на домашна забава. Љубоморната жена потоа дошла во куќата на Дана во придружба на нејзиниот пријател Даниел Стоун. Таа ја замолила Дана да и каже каде е нејзиниот сопруг, по грешка мислејќи дека двајцата се во љубовна врска. Бесната Натали грабнала шише со алкохол, го отворила и ја полила Дана.
- Таа мавташе со раката, поливајќи ми го лицето, рацете, градите, насекаде од половината нагоре. Пламенот ми ја зафати раката и наеднаш сè околу мене се претвори во оган. Таа беше насекаде: на моите рамена, мојот гол стомак, само градите ми беа заштитени со топ од растеглив материјал.
Пламените јазици ми се проширија на главата, косата ми изгоре во секунда, а кога почнав да ја бришам запалената хемикалија од лицето, рацете веќе ми гореа – опишала Дана во книгата „Вреди да се бориш“.
Дана носела маска две и пол години за да си го опорави скалпот на главата
Инстинктивно, вели таа, почувствувала дека треба да се фрли на земја и да се тркала, но тоа само го раширило огнот по целото тело.
-Болката беше неподнослива, а додека врескав ги слушнав Натали и Даниел како трчаат низ лизгачката врата. Ми се смееја додека жива горев. Едвај можев да помислам на болката. Во паника отидов до фонтаната, обидувајќи се да го изгаснам пожарот полевајќи се со вода - изјавила Дана.
Знаев дека треба да повикам помош, или ќе бидам мртва. Додека се обидував да ја отворам вратата, почувствував како кожата ми падна од прстите. Успеав да ја отворам вратата и да преминам на половина пат до соседната куќа, барајќи помош - истакна Дана.
Долго чекала некој да се појави
- Врескав толку силно и толку долго што кога некој конечно дојде, тоа не беше мојот сосед. Типот што се појави вежбаше во теретана во зградата до мене. Ги слушна моите врисоци и истрча да помогне - се сеќава Дана.
Кога пристигнал, пламенот бил изгаснат. Дури и кога огнот конечно бил изгаснат, хемикалијата сепак го изгорела нејзиното тело.
- Лежев на земја, се чувствував како да умирам од болка. Ги отворив очите и видов маж од теретана над мене – изјавила Дана заблагодарувајќи му се повторно на Денис Ериксон што и го спасил животот.
Тој останал со неа додека не дошла брзата помош и ја однел во болница. Дана таму поминала два дена во кома.
- Се вратив од работ на смртта. Додека спиев, сонував. Имав спомени, фантазии и кошмари - се сеќава таа.
Овие соништа понекогаш се појавуваа, а понекогаш во нив беше и Светлана, сестрата на Дана.
- Понекогаш ја чувствував, го слушав нејзиниот глас или песната со која се обидуваше да ме разбуди. Таа ми ја пееше песната "Step by Step" - „Чекор по чекор“ од Витни Хјустон, која и двете ја сакавме и со која пораснавме, додека конечно не се разбудив – пишува Дана во книгата.
- Успеав да го испуштам зборот „Свет“ (прекар од Светлана), но мојот глас беше само шепот низ цевките што ми беа во грлото. И реков да молчи, бидејќи не знае да пее - се сеќава Дана.
- Светлана плачеше од среќа. Под сите тие изгореници сѐ уште бев иста, насмеаната Дана - изјавила таа.
Натали Димитровска тогаш е осудена на 17 години затвор. Дана поминала низ операции и третмани. Таа се здобила со изгореници од трет степен кои зафатиле две третини од нејзиното тело.
Две и пол години носела маска за компресија на лицето за да ги залечи изгорениците. Таа поминала година и пол во болница и за тоа време кожата на градите и била целосно заменета три пати.
„Никој не мислеше дека е физички можно да се опорави толку многу“, изјавила еднаш Дана за Daily Mail Australia.
Таа порано зборуваше за себе како „модерен Франкенштајн“ и дека е „шетачка реклама“ за чудата на модерната медицина.
- Се чувствувам како да сум освоила злато на Олимпијада. Беше потребна многу напорна работа за да се стигне овде, ова беше долго патување. Иронично е што се разбудив со таа песна на Витни Хјустон, бидејќи моето патување беше само чекор по чекор – заклучила тогаш Дана.извор: магазин.новости.рс
Фото Инстаграм официјален профил Дана Вулин
