Ми зборуваше дека јас ќе бидам таа што ќе ти доаѓа на гроб: Тамара емотивно за Влатко Илиевски
На денешен ден (6 јули) пред точно две години, Влатко Илиевски трагично го загуби животот. Македонскиот пејач и актер имаше само 33 години.
Неговата најдобра другарка од средношколските денови, Тамара Тодевска, секогаш со тешко срце зборува за Влатче. Минатата година му ја посвети нивната заедничка песна „Гушни ме“, а годинава му посвети емотивен статус на свјот непрежален пријател.
- Бев да ти запалам свеќа. На твоето вечно почивалиште. Празно и пусто. Твојата слика, неколку пива и догорени свеќи. Ја пуштив од кола твојата омилена песна, се изнаплакав како дожд што лие и си продолжив.
Ми зборуваше дека јас ќе бидам таа што ќе ти доаѓа на гроб. Не ти верував. Во многу работи не ти верував. Меѓу нив е и онаа последна реченица, „Дојди Тами да се видиме, ќе ме нема за брзо”....... Ти се изнасмеав и ти реков, ќе те барам. И си отиде.Те нема. Еве веќе две години.
Нема ден да не помислам на тебе.
На Хана и раскажувам многу често за тебе и цело време и викам колку ми е жал што не те памти. На мама другарот. Најдобриот. Никој, никогаш нема да го земе твоето место, зошто ти беше единствен. Моето сино око. Мојот најверен пријател. Мојот натапиран скакулец, мојот Влатче.
Вечна ти слава!!! - напиша таа.
Претходно таткото на Влатче, Драган Илиевски- Вршац, познат спортист и скопски угостител ни ја раскажа приказната и симболиката на новиот албум на пејачот и се присети на најдрагите нешта на својот син.
