Норвешко истражување покажа: Ова е список на намирници кои можат да ви го продолжат животот за 10 години
Кои се тие навики?
Студијата на група норвешки истражувачи од Универзитетот во Берген, објавена во списанието Plos Medicine, покажа дека одредена храна може значително да го продолжи нашиот животен век. Спротивно на тоа, прекумерната потрошувачка на рафинирани шеќери, масти и преработена храна може да предизвика долгорочни здравствени проблеми.
Оптимална исхрана од 20-годишна возраст
За да ја спроведат оваа студија, истражувачите се потпираа на резултатите од глобалната студија за болести и причини за смрт во Кина, Европа и САД. Се проценува дека неухранетоста е причина за повеќе од 11 милиони предвремени смртни случаи секоја година. Научниците потоа ја споредија таа бројка со други анализи, гледајќи ги ефектите на различните намирници врз нашата долговечност. Така успеале да одредат специфична диета која може да ни го продолжи животниот век за една деценија, пишува gracia.fr.
Каква храна е тоа?
За ваква здрава исхрана потребно е да се јаде многу овошје и зеленчук. Не е тајна, но научниците направија листа на оние намирници кои се особено моќни.
Грашокот, леќата, сојата се сржта на оваа диета.
Неопходни се и цели зрна, пченка, овес и пченица.
Треба да јадете и јаткасти плодови, како што се бадеми, ф'стаци и ореви.
Од друга страна, црвеното месо и преработената храна треба најмалку да се јадaт.
Посебно е интересно што научниците заклучиле дека животниот век може да се продолжи за две години ако консумираме само околу 2.000 грама мешунки годишно и јадеме што е можно помалку солена и слатка храна.
Секако, и оние кои се трудат да се хранат здраво, понекогаш јадат нешто што не е најдобро за организмот, но најважно во се е да бидеме упорни и долгорочно да гледаме дека тоа што го внесуваме е квалитетно. Целта е да се усвојат подобри навики во исхраната кои водат до долговечност.
ФОТО: Фрипик
