Од 12 години ѝ расте брада, а таа го фрли жилетот во ѓубре: „Ме навредуваат и велат да се избричам, но на моето момче му се допаѓам ваква“
Корал Рене ги помина последните 16 години бричејќи го своето лице за да ги задоволи другите, но неодамна ѝ здодеаа стандардите за убавина за жените. Сега ја сака својата брада, која моментално е долга 10 сантиметри, и засекогаш ги отфрлила жилетите. Како што објаснила, нејзината брада е резултат на долготрајна борба со полицистични јајници и проблеми со хормоните.
Сепак, да се биде жена со брада не е секогаш лесно, бидејќи 30-годишната девојка постојано мора да се справува со реакциите на другите луѓе - вклучувајќи несоодветни коментари и невкусни погледи. Но, таа е горда на своето влакнесто лице и вели дека тоа му се допаѓа и на нејзиниот партнер - 25-годишниот Илиас.
„Тоа беше навистина болно патување, физички и емоционално“, ја започна својата исповед Корал.
@lovesintentbycoralrenaie Haters will always hate, so inspire change. We don’t all have to be miserable people on this floating rock in space. #beauthenteicllyyou #healingwithcoralrenaie original sound - Coral Renaie
„На околу четири години почнав да добивам потемна кожа на вратот, колената и лактите, предизвикана од отпорност на инсулин. Едно лице мислеше дека сум валкана и ми рече да се грижам за мојата хигиена. Тоа беше прв пат навистина да се срамам поради моето тело“, продолжи Корал, а потоа додаде:
„На девет години ми пораснаа дебели бакенбари, а на 12 го бричев лицето секој ден. Чувствував дека бричењето е единствениот начин да преживеам. На некој начин, чувствувам дека тоа делумно се должи на количината на омраза што ја добивам на Интернет. Многу луѓе ме прашуваат „што сум јас“ или дали сум маж или жена. Ми велат дека треба да се избричам - луѓето всушност ми кажуваат што да правам со моето тело“.
Корал додава дека нејзиниот партнер Илиас нема проблем со брадата, а ја поддржуваат неговата мајка и сестри.
„Жените не треба да се кријат. Јас заслужувам љубов. Заслужувам задоволство. И повеќе нема да правам компромиси за тоа. Дефинитивно помогна тоа што Илиас ме сакаше толку многу. Ми даде до знаење дека тој е моето безбедно место“, искрена е Корали.
„Откако престанав да се бричам, двајцата бевме многу посреќни - тој затоа што конечно стекнував доверба во себе таква каква што сум, а јас затоа што бричењето на мојата чувствителна кожа повеќе не ме болеше толку многу. Конечно се чувствував добро со своето тело“ таа рече.
Корал е решена да се ослободи од стигмата околу жените кои имаат влакна на лицето. Таа неодамна одржа говор во локална книжарница, а исто така ги споделува своите искуства на интернет со цел да ги поддржи жените кои минуваат низ исти или слични борби.
„Треба да размислиме зошто жените со брада толку многу им пречат на луѓето. Повеќето жени во светот ги отстрануваат влакната од телото, би рекла дека сите го прават тоа. Како би реагирале ако престанат? Дали сè уште би ја сакале таа личност? Или тоа е условена со нивното отстранување на влакна?“, заклучува Корал.
