ОСВЕН ШЕЌЕР, ЌЕ ЛЕКУВАМЕ И КАНЦЕР: Цела Македонија го бара чајот од маслинки на Ангел Попов
Луѓе од цела Македонија го бараат домашниот чај од маслинки за кој Ангел Попов од Дојран вели дека го излечил дијабетесот. Откако Женски магазин ја објави приказната за тезгата на дојранскиот кеј на чичко Ангел, на која се продаваат лековити чаеви и производи од маслинки, неговиот син, Бранко, вели дека телефонот не престанал да му ѕвони, а залихи од чајот веќе речиси и да нема.
„ Откако го објавивте мојот број на вашата фејсбук страница, телефонот постојано ми ѕвони. Чајот ми го нарачуваат луѓе од цела Македонија и веќе ни снемуваат залихи“, ни рече Бранко Попов во телефонскиот разговор.
„Најмило ми е што една госпоѓа, кога втор пат ми се јави ми рече дека за само четири дена откако почнала да го пие чајот, шеќерот од 12 единици ѝ се намалил на 4.5. Не е само татко ми, овој наш производ помогна на многу луѓе“, додава тој. Освен за дијабетес, чајот го бараат и за белодробни заболувања, за намалување на крвниот притисок и за многу други болести. Попов вели дека иако семејниот бизнис со одгледување маслинки на него и на татко му им оди солидно, тие размислуваат за проширување.
За една година, со помош на чајот, сосема го исфрлив инсулинот.- Ангел Попов
„Има една постара жена од Серес, од Грција која често доаѓа во Дојран. Таа често ја посетува нашата тезга и се интересира за прозиводите. На последната наша средба ми рече дека и таа одгледува маслинки, и прави малку поинаков чај од нашиот, од младите лисја кои ги блендира. За тој чај, госпоѓата вели дека ги бомбардира канцерогените клетки. Наш следен план е да научиме како се прави, па истиот чај да го прозиведуваме и ние. Многу би сакал, ако можее да помогнеме и во олеснување на најлошата болест“, ни изјави Бранко.
Неговиот татко Ангел, во приказната која ја објавивме на минатиот месец, ни раскажа дека е дијабетичар и со години бил на инсулин. „ Откако почнав редовно да го пијам чајот од маслинки, за една година сосема го исфрлив. Отидов на редовен лекарски преглед и докторот се зачуди. Шеќерот ми беше во сосема нормални граници. Почнав прво да ги намалувам единиците на инсулин, а потоа сосема го прекинав“, раскажа Ангел. Овој домашен производ, додава тој, лечи 22 болести меѓу кои камен во бубрег, холестерол, алцхајмерова болест.
„ За да добиеш добра, квалитетна маслинка спакувана во тегла, треба и се посветиш околу осум месеци“, раскажа Ангел. Пред да почне да се занимава со семејниот бизнис, тој работел во „Млаз Богданци“. До скоро, во работата му помагала и сопругата, но таа лани починала и сега за маслинките кои растат во Нов Дојран се грижат само тој и синот. На нивната тезга се продаваат и паштета од маслинки, и слатко од кора од портокали. Ако е изморен, среќен е што во бербата му се наоѓаат соседите.
Милица Џаровска
