Ракот на кожата не е само на кожата: Шест изненадувачки места на кои може да се појави
Задолжително направете самопреглед
И покрај неговото име, ракот на кожата може да се појави на повеќе делови од нашето тело отколку што мислиме, велат лекарите.
Имено, тие предупредуваат дека треба да сме свесни за други помалку очигледни места каде може да се појави оваа малигна болест.
Според Daily Mail, постојат три типа на рак на кожата - меланом, карцином на базалните клетки и карцином на сквамозните клетки. Иако меланомот сочинува само еден процент од случаите, тој предизвикува најголем дел од смртните случаи.
Ако се открие доволно рано, ракот на кожата е релативно безопасен и може брзо да се отстрани.
Сепак, меланомот може да се прошири доколку не се открие навреме, а канцерогените клетки можат да го најдат својот пат во крвотокот и да се рашират на други делови од телото.
Кога тоа ќе се случи, ракот ќе почне да се шири на други делови од телото. Во тој момент, хируршкото отстранување на ракот е предизвик и лицето наместо тоа ќе се подложи на третман како хемотерапија, која доаѓа со сериозни несакани ефекти.
Како што предупредуваат лекарите, ракот на кожата може да се појави и на следните места на телото:
-во анусот
-под ноктот (најчесто палец на раката или ногата)
-во увото
-во окото
-под јазикот
-на скалпот
Со оглед на тоа дека секој од споменатите симптоми е тешко да се види на самиот почеток, лекарите предупредуваат дека треба да се направи преглед веднаш штом забележиме невообичаена промена бидејќи навремената реакција е клучот за заздравувањето.
FOTO: Freepik
