Хилари Даф сподели дека се породила дома, во вода: Стана мајка по третпат (ФОТО)
Американската актерка и пејачка, Хилари Даф и нејзиниот сопруг Метју Кома заедно донесоа одлука дека и овој пат бебето ќе се роди во нивната семејна куќа, во вода.
Гордата мајка веднаш објави емотивна семејна фотографија на која е слаткото сега веќе петчлено семејство.
И овој пат, како пред две години кога ја роди својата ќерка Бенкс Вајолет Блер, Хилари Даф се породи во базен полн со вода, девојчето го доби името Меј (Мае), а штом ја виде светлината на денот, нејзината постара сестра Бенкс, ја прегрна и ја бакна.
„Те сакаме убавица“, напиша актерката покрај името на новороденчето, откривајќи дека се породила на 24 март, за малку на денот кога ја роди малата Бенкс пред две години. Имено, на 27 март 2019 година, Хилари, благо речено, го шокираше светот објавувајќи видео од нејзиното пораѓање дома.
- Долго време се прашував дали воопшто треба да го објавам ова видео, бидејќи е исклучително лично ... Беше апсолутно убаво, полно со љубов, но и шокантно, бидејќи штом го родив моето бебе, се прегрнавме за прв пат. Ми пролета низ главата и сакав да верувам дека таа ми вели: „Добра работа, мамо! Напред, напред! Ние го направивме тоа! Заедно!“ - Хилари ја објасни својата прва средба со својата ќерка само неколку секунди по породувањето, истакнувајќи дека нејзиниот сопруг бил голема поддршка во тие моменти.
Девојчињата ќе пораснат со постариот брат, осумгодишниот Лук, кого Хилари го доби во претходниот брак со хокеј играчот Мајк Комри.
извор:hellomagazin.rs
