Никогаш повеќе: Актерката го опиша тешкото искуство со породување во вода

Добивај вести на Viber

Актерката Александра Брекенриџ зборуваше за своето искуство со породувањето. Имено, таа е мајка на тригодишната ќерка Били и четиригодишниот син Џек, и, како гостинка во емисијата на Кели Кларксон, откри зошто не сака никогаш повеќе да го повтори тоа искуство по првото пораѓање во вода.

 Мојот син беше тежок. Се чувствував како да ме излажаа, затоа што ги гледав сите тие документарци за породување во вода и, и јас го посакав тоа - се сеќава таа.

Затоа, одбрала болница каде што има пораѓање во вода. Нејзиниот водењак пукнал околу пет часот наутро, а интензивното породување започнало многу брзо. Поминала два часа во базенот за породување, па имала чувство дека нејзиното дете е заглавено.

- Чекав да дојде некој и да ми каже дека мора да го отстранат со итен царски рез, но никој не се појави - рече таа.

Значи, заклучи таа, дека, во нејзиниот случај, породувањето во вода не направило никаква разлика во олеснувањето. Кога го родила синчето, тој тежел нешто повеќе од 4 килограми, а породувањето не останало во нејзиното најдобро сеќавање и искуство.

Кога родив ќерка, ми ставија епидурална. И тоа беше прекрасно искуство, магично. Требаше да ги слушам моите две пријателки кои веќе имаа бебиња и тие ми рекоа да не бидам глупава и да ставам епидурална - се сеќава таа на второто пораѓање.

Кога ќе погледне наназад, се сеќава на второто породување како на убаво искуство, пренесува Пипл.

За некој мајки пак, породувањето во вода е супер искуство.