Она што се случи со ќерка ми е моjата најголема тага: Наташа Беквалац, со грутка во грлото, едвај можеше да каже: „Тешко ми е да зборувам за тоа...“
Фото: BLIC TV / SCREENSHOT
Пејачката Наташа Беквалац гостувајќи во емисијата „На терапија со Славица Ѓукиќ Дејановиќ“ која се емитува на ТВ Блиц, допре тема за која никогаш јавно не проговорила, а тоа е за проблемот што го имала со нејзината помала ќерка Катја.
- Многу се занимавам со децата, но едно е гледиштето на детето, а друго на родителот. Понекогаш не сфаќаме колку ги повредуваме децата. Имав еден период кој траеше со месеци, беше поврзан со мојата постара ќерка Хана, а мене ми беше тешко како родител. Не можев да разберам што е проблемот и не ја разбрав нејзината болка и плачење. Јас всушност не ја слушнав и не мислев дека нешто не е во ред. Тоа во еден момент ме отрезни и ме врати во реалноста – започна Наташа.
- Ми кажа дека не е среќна, дека се чувствува осамено и тажно, но јас воопшто не гледав така. Сфатив дека не се однесував на вистинскиот начин со детето бидејќи ги помешав приоритетите. Многу неважни работи ме заслепија, па не се фокусирав на најважното. Не барам оправдување за себе, но јас сум самохрана мајка и самохран родител. Многу напорна улога е само улогата на мајка, а камоли кога сте единствениот родител.
- Го променив односот со Хана и сега разговараме многу повеќе. Пристапувам на поинаков начин. Не можам да кажам дека ја запоставив, но ако детето ви каже дека е тажна, добро, што сум направила друго освен да ја запоставам?! Целото мое внимание во тој период беше насочено кон мојата помала ќерка Катја поради уште еден проблем кој траеше една година - откри Беквалац.
- Постарата ќерка Хана секогаш беше добра и без барања, но и на најдоброто дете на светот му треба време со нејзината мајка, а јас некако претпоставував дека со неа сè е во ред . Таа никогаш не барала внимание како некои други деца. Родена е како старо-мало и мудрец. Никогаш не кажала гласно: „Мамо, ми пречи што само ја гледаш Катја“. Мамо, ми пречи што за неа го преправаш гласот, а мене ми велиш: „Ајде Хана, не ме малтретирај!“. Таа секогаш беше премногу заштитничка кон мене. Таа ми одржа животна лекција за родителството, една од најболните во мојот живот.
Во продолжение на емисијата пејачката повторно се осврна на проблемот што го имала со помалата ќерка, но не сакаше да ја продлабочува оваа болна тема.
- Најголемата болка што ја доживеав во животот е она што го спомнав за Катја. Тоа е нешто за што сè уште не сум подготвена јавно да зборувам – кратко изјави Наташа со грутка во грлото.
Извор: www.blic.rs
