Животна училница // Приказни
Со бела хризантема против градските дупки
На среде улица во Козле, во близина на црквата Св. Јован, „никна“ бела хризантема. Станува збор за граѓанска досетливост со цел да им се помогне на возачите навремено да ги лоцираат и да ги заобиколат уличните дупки кои ги има на секој чекор.
- Возачите уредно го заобиколуваа цвеќето, избегнувајќи ја дупката. Ем цвеќето убаво ем помалку трошоци за амортизација на колата - велат очевидци.
Овој „смарт протест“ против уличните дупки, кои никако да се закрпат, наиде на симпатии кај Скопјани, така што не е исклучено вакви цвеќиња да никнат и на други градски улици.
