Актерката на 10 години почнала да користи марихуана, а на 13 завршила на рехабилитација: Мајка ѝ знаела и дозволила сè
Таа зборуваше за семејните тајни и ги шокираше сите
Дру Баримор шокираше со неодамнешните изјави за тајните на нејзиното семејство, во кои без размислување зборуваше и за себе како зависничка.
Зборуваше за работите кои се дозволени и забранети во нивната заедница, а најсилната изјава беше за недозволените супстанци што ги користела како многу мало дете.
- Во нашата куќа беа дозволени сите нездрави навики. Освен слатко. Буквално се криев во плакарот за да јадам чоколадо - изјави Дру на почетокот на нејзиниот подкаст „Drew’s News“.
Таа разговараше за забраната на слатки со актерот Роб Лоу и откри колку мајка ѝ Џад била многу строга. Не сакала нејзините деца да се здебелат.
Но, кога станува збор за други нездрави работи, тогаш немало проблем. Актерката откри како на девет години го испила првиот алкохолен пијалок, а на десет години пробала марихуана.
Своевремено во интервју за „People“ признала дека на 13 години двапати отишла на рехабилитација од дрога. Покрај тоа, нејзината мајка ја испратила во психијатриска установа.
- Таму немаше шегување, а ако дојдеше до таква ситуација, тогаш ќе не врзеа - објасни таа и призна дека била вистинска бунтовничка.
- Излегував по клубови и избегнував училиште. Бев целосно надвор од контрола – признала Дру и истакнала дека подоцна нашла начин да ѝ прости на мајка си.
- Верувам дека се чувствуваше како да нема друг излез. Сигурно сиве овие години живеела со многу вина. Направила чудовиште и сигурно живеела со многу маки. - додаде таа.
Актерката има две ќерки Френки и Олив, на кои сака да им биде пример кога ќе порасне.
- Им реков „Јас сум ваша мајка, а не пријателка“. Имав мајка која ми беше пријателка, па се покажа многу лошо. Не го сакам тоа.
Извор: www.espreso.co.rs
