Каков спектакл-каква дива! Селин Дион синоќа ја носеше најубавата тоалета досега, а кога го пушти величенствениот глас, сѐ застана
Познатата дива Селин Дион ја воодушеви публиката на модниот настан Elie Saab што се одржа синоќа во Саудиска Арабија, облечена во прекрасна креација. Настапот доаѓа откако Дион (56) триумфално се врати на сцената ова лето на отворањето на Олимписките игри во Париз, среде битката со синдромот на вкочанета личност.
Музичката ѕвезда Селин Дион овојпат го затвори настанот „1001 Seasons Of Elie Saab“ во Саудиска Арабија, изведувајќи го нејзиниот хит од 1993 година, The Power Of Love, додека моделите се шетаа по пистата околу неа.
Селин за оваа пригода носеше спектакуларен пудра розов фустан на кој беа зашиени светкави мониста, а посебен детаљ беше наметка од тул. Селин ја крена толпата на нозе кога ја испеа песната I'm Alive од 2002 година, по што излезе од сцената со либанскиот дизајнер Сааб, означувајќи го крајот на спектаклот.
„Да се биде овде за прв пат е како остварување на сонот. Г-дин Ели Сааб, неговата придружба и неговото прекрасно семејство нè пречекаа топло - мојот менаџер, мојот син и сите луѓе што ми требаа да ме поддржат да бидам овде. Неговата дарежливост, неговиот талент ... тој некако „пееше“ со мене сите овие години затоа што ја носев неговата облека, неговиот талент . Да се носи неговиот извонреден талент е една работа, но средбата со него, да се биде со него и да имам можност малку да поразговарам со него беше за многу трогателно за мене, Едноставно, прекрасно е да се биде овде.
Целиот настан беше вистински спектакл, а за време на модната ревија актерката Хали Бери прошета по пистата во својот легендарен стајлинг од Оскарите во 2002 година. Меѓу познатите личности на настанот беа актерката од „Gossip Girl“ Кели Радерфорд, како и британските модели Попи Делевињ и Рози Хантингтон-Вајтли.
ФОТО: Инстаграм принтскрин
