Веста дека за прв пат во историјата на нашата земја се изврши трансплантација на срце од починат донор ја сплоти земјава. Синоќа, доцна во ноќта околу 02:00 часот се слушна силно ракоплескање по успешниот операционен зафат на тимот кардиолози од повеќе клиники, по успешната трансплантација на срце од починат донор.
Овој момент е огромен успех за медицината кај нас, но и голема човечност на семејството на трагично загинатата Емилија Динева. Синоќа, нејзиното срце спаси човечки живот, а исто така и нејзините бубрези се донирани на лица кои беа на листата на чекање, можеби и со години.
Поклон до земја, на нејзиното семејство, кое во овие тешки моемнти за нив, несебично и со големо срце одлучило да донира нејзини органи, за да се спасат човечки животи.