Познатата актерка роди дете на 54 години: По 4 пропаднати бракови, среќата ја нашла со 15 години помлад и 15 сантиметри понизок, а по 4 сина доби ќерка
Актерката, пејачка и модел Брижит Нилсен го шокираше светот
кога објави дека ќе роди дете на 54 години. Денес, оваа дама е среќна
59-годишна мајка која ужива во животот со својот 43-годишен сопруг и нивната
4-годишна ќерка.
„Имав чудни мажи во мојот живот“, рече таа еднаш. Имено, Нилсен се омажила дури пет пати, првиот пат на 20 години. Со данскиот композитор Каспер Виндинг го добила синот Џулијан, кој денес има 38 години, но нивната врска траела само една година.
Брижит на 22 години се омажи за својот колега Силвестер Сталоне, кој е речиси двојно постар од неа, но овој брак заврши две години подоцна.
Потоа се омажи за својот трет сопруг - фотографот Себастијан Коупленд, но и оваа врска траеше само две години. Она што е интересно е дека непосредно пред нејзината венчавка со Коупленд, таа го доби синот Килијан со поранешниот вереник Марк Гастино.
Во 1993 година, убавата, витка русокоса се омажила по четврти пат со возачот на тркачки автомобили Раул Мајер, а парот поминал 12 години заедно и добиле два сина - Даглас и Раул Џуниор.
По долгогодишно талкање, Брижит ја пронајде својата вистинска љубов и маж на нејзиниот живот во прегратките на 15 години помлиот италијански манекен Матија Деси. Актерката тогаш имала 40 години, а Матија само 25, но разликата во години не била пречка за нивната љубов.
Двојката се венча во 2006 година, а имаа огромна желба да имаат заедничко дете. Таа почнала да ги замрзнува јајца клетките како мерка на претпазливост, а лекарите и дале само три до четири проценти шанси да остане бремена. Но, на 54-годишна возраст успеала да забремени со методот VTO и во јуни 2018 година го родила девојчето Фрида, пишува „Индекс.хр“.
„Да, имав 54 години, но многу мажи стануваат татковци во 60-тите, па и во 70-тите. Уживам во мајчинството и мислам дека е неопходно да се нормализира на која било возраст“, истакна таа и одговори на прашањето што често ѝ го поставуваат“.
„Јас сум жена. Ние мајките сме многу силни", коментира таа.
Данската убавица призна дека мајчинството во нејзините 50-ти е попријатно искуство за неа отколку во нејзините 20-ти: „Тогаш бев толку неискусна, толку загрижена и исплашена. Сега сум само возбудена и навистина уживам".
