Животна училница // Приказни

(ВОЗНЕМИРУВАЧКО ВИДЕО) Злоставување ја шокира Србија: Мајка го тепа бебето, тоа не прекина да плаче додека траат ударите

  • 13 Октомври, 2021

Видеото на социјалните мрежи, на кое наводно се гледа како лице удира бебе, ја шокираше Србија, но и целиот регион

Павле Бихали, основачот на движењето Левијатан, кој го објави ова видео, тврди дека целиот материјал и сите информации за овој случај се предадени на Министерството за внатрешни работи, Центарот за социјална работа и Обвинителството во Србија.

- Во суштина, имаме информации дека случајот веќе бил пријавен еднаш пред околу еден месец, кога бебето имало само шеснаесет дена. Потоа, по направениот разговор, Центарот за социјална работа го врати детето на својата мајка. Добивме и информации дека по објавувањето на ова видео, мајката на бебето, актерката на настанот, била одведена на информативен разговор, но не знам дали тоа е вистина. Гледајќи ја снимката, се разбудија моите најлоши човечки инстинкти. Мора детето да се одземе од тоа чудовиште и тоа е единственото нешто што сега е важно - објаснува Бихали.

Тој засега не го контактирал Центарот за социјална работа од Крагуевац.

Психологот Снежана Репац се обиде да објасни што ја тера мајката да тепа практично новородено детенце.

- Најверојатно се работи за млада личност чиј мајчински инстинкт се‘ уште не се развил. Не можеме да исклучиме дека бебето на видеото е несакано дете.


Без оглед на причината, таквото однесување е неприфатливо.

Како што додава психологот Репац, се чини дека ова е нервно пореметување, но причината мора да се утврди за да нема последици.

- Ова е или за невозможноста или недостатокот на желба мајката да ја издржи вревата од плачењето на бебето. Со овие шлаканици, личноста најверојатно се обидува да го смири бебето, што доволно кажува за тоа колку е лабилна - објаснува понатаму психологот.

- Мислам дека оцената на мајката ќе треба да се направи овде, бидејќи неизбежно е таа да не е во добра психичка состојба. Да се ​​одземе дете од таква фаза нема да биде казна, туку олеснување. Исто така, можно е оваа млада мајка да се однесува како што некој неа ја третирал како дете, можеби така сака да го дисциплинира своето дете, што е абнормална глупост - заклучува психологот Снежана Репац.

Педијатар предупредува дека повредите можат да бидат сериозни

Педијатарот Саша Миличевиќ тврди дека е крајно невообичаено мајката да тепа дете на таа возраст.

- Тоа никогаш не смее да се случи. Во пракса, имам слушнато за вакво нешто еднаш или двапати. Тепањето на такво мало дете е неприфатливо, неговата анатомска структура е многу чувствителна и може да му се нанесат многу посериозни повреди - додава педијатарот.


Фото и Видео: Твитер

Извор: информер.рс

Можеби ќе ве интересира