Еден од најуспешните луѓе во светот изгуби три деца за еден ден: Трагедијата на најбогатото данско семејство

Животот на данскиот милијардер Андерс Холц Повлсен го одбележа страшна трагедија. Тој изгуби три деца во терористички напад пред три години.

Сопственикот на ASOS и компанијата Bestseller, но и акционерот на Zalanda, Андерс Холх Повлсен (49) е најбогатиот Данец и еден од најмладите милијардери кои стигнале на листата на најбогати на Сандеј Тајмс. Минатата година го зазеде 28-то место на таа листа, а оваа година стигна до листата на Форбс на најбогати со богатство од 13,6 милијарди фунти.

Тој е и сопственик на најголемиот имот во Шкотска - има земјиште што зафаќа повеќе од 200.000 хектари.

Неговиот деловен пат започна кога неговото семејство отвори семејна продавница во 1975 година во малиот дански град Рингкобинг. Тој ја презеде фирмата на 28 години и оттогаш неговиот деловен успех само се ниже.

Сепак, сето тоа остана во сенка на страшната трагедија која го снајде неговото семејство пред три години.

Трите деца на Повлсен загинаа во терористички напад во Шри Ланка, во кој загинаа стотици луѓе. Неговите ќерки Алма (15) и Агнес (12) како и неговиот син Алфред (5) загинаа во бомбашки напад на дури три цркви истовремено, а неговата ќерка Астрид преживеа. 

Една година по трагедијата што ги скрши, семејството Повлсен сепак доби добри вести. Данскиот милијардер и сопругата Ен Сторм Педерсен станаа родители на близнаци на почетокот на 2020 година.

Неговата сопруга исто така е бизнисменка, а заедно го поседуваат познатиот бренд Jack&Jones. Се запознале додека таа работела во неговата компанија Bestseller, поточно таа била дел од управниот одбор.

Фото: Профимедиа