Рецепт за Фалафел вегански кофтиња: #ГотвимеДомаСоЖенскиМагазин и Силви Плевнеш

Силви Плевнеш минатата недела ни раскажа како ги поминуваат деновите во изолација со семејството, но и што ново да очекува публиката од Силви Бенд.

Силви, ни се придружи и кон иницијативата на Женски магазин, ни ипрати рецепт за Фалафел (Вегански) кофтиња. Пејачката за овие вегански кофтиња вели дека потекнуваат од Блискиот исток.

Потребни намирници:

- 340 гр. варен наут

- 1 мал кромид

- 1 рака магдонос

- 3 чешниња лук

- 2 супени лажици брашно

- 2 супени лажици кумин (мелен ким)

- Масло за готвење

- Сол и црн бибер по вкус

Начин на подготовка:

Ако планирате да ги правите кофтињата Фарафел за утрешниот ручек, треба да го оставите наутот да отстои во вода цела ноќ и потоа да го зготвите во Експрес лонец околу 20 минути, додека да омекне – можете да купите готов варен наут, но тој е поскап отколку сами да го зготвите.
Додека го готвите наутот, можете да ги исецкате кромидот, магоносот и лукчето.
Откако ќе омекне наутот, убаво исцедете го и убаво измешајте го со кромидот, лукот и магдоносот и додадете кумин, сол и бибер. Целата ова смеса ставете ја во сецко и сецкајте се додека не се иситни наутот. Пред крајот додаваме 2 лажици брашно. Ние користиме брашно од наут, меѓутоа доколку немате можете да користите и обично брашно. Смесата убаво ја мешаме и правиме 6 топчиња со иста големина. Топчињата ги ставаме да отстојат во фрижидер неколку минути додека да се загрее маслото за пржење и потоа ги пржиме додека да добијат златна боја. Убаво исцедете ги од масло пред послужување.

Фалафел кофтињата ги редиме на чинија и украсуваме со таратор и млади кромитчиња. Прекрасно!

* Рецепт за вкусен колач за појадок: #ГотвимеДомаСоЖенскиМагазин и Ивана Кнез

* Рецепт за мафини со боровинки: #ГотвимеДомаСоЖенскиМагазин и Radisha's Kitchen Diaries

* Рецепт за вртена пита со спанаќ и изврка #ГотвимеДомаСоЖенскиМагазин и Наташа Малинкова

* Рецепт за пекарски кифли: #ГотвимеДомаСоЖенскиМагазин и Андреа Накова

* Рецепт за варен ѓеврек: #ГотвимеДомаСоЖенскиМагазин и една охриѓанка

*Рецепт за енергетски колачиња: #ГотвимеДомаСоЖенскиМагазин и Вера Петрова

*Рецепт за брза пита: #ГотвимеДомаСоЖенскиМагазин и Маја Аргакиева

* Рецепт за Пита Пица: #ГотвимеДомаСоЖенскиМагазин и Александра Силјаноска

* Рецепт за Брза чоколадна торта: #ГотвимеДомаСоЖенскиМагазин и Ивона Христова Илиевска * Рецепт за Иви чизкејк: #ГотвимеДомаСоЖенскиМагазин и @krstevskaiva