Животна училница // Приказни

(ФОТОГАЛЕРИЈА ОД ВИТОЛИШТЕ): Убавините на Македонија: Село кое маѓепсува на прв поглед

04 Октомври, 2020

Во Мариовскиот крај уште се раскажуваат итрините на Итар Пејо. Најпопуларниот селанец од народните приказни стана легенда не само во неговиот крај, туку во цела Македонија.

Денес патуваме во мариовскиот реон, во селото Витолиште, кое се наоѓа на 46 километри оддалечено од Прилеп.

Селото кое ве маѓепсува на прв поглед е сместено во подножјето на планината Козјак, под нејзината источна падина, во пределот кој е познат како старо Мариово, од десната страна на Црна река.

Воздухот кој опива веднаш штом ќе влезете во Витолиште е од густата шума над селото во која има најмногу борови. Витолиште е ридско село и се наоѓа на надморска висина од 930 метри.

За Витолиште се врзани најубавите детски спомени на познатиот писател Стале Попов, кој често го споменувал во неговите дела. Попов по потекло бил од земјоделско семејство и роден е во селото Мелница, но основно училиште завршил токму во Витолиште. Дејствието на најпознатиот роман на Стале Попов „Крпен живот“ почнува во Витолиште, кое било центар на Мариовскиот регион, а останало како центар и денес.

Витолиште е рај за риболовци, рај за планинари и за вљубениците на велосипедизмот. Во рамките на фестивалот на отворено Mariovo Off Road Expience, селото редовно го посетуваат велосипедистите, како и оние кои го сакаат планинското трчање.

Кога сте веќе во Витолиште, убаво е да се посети главната манастирска црква во селото Мелница „Св. Илија“, како дел од Витолишкиот манастир. Главната селска црква која е веднаш на влезот од селото е „Св. Атанасиј“ која се наоѓа на влезот од селото.